اهداء لجمهور مخاوي الليل (خالدعبدالرحمن)
===============
صارحيني ..
منهو أنا بدنيتك
جاوبيني ..
إن كنت فعلاً منيتك
ما كنت أرضى تزعلين = و إنتي بتهديني الزعل
ما أطيق عني تبعدين = في قربي حسيت بملل
محرومه عيني شوفتك = لا تحرميني كلمتك
حتى الصراحة بيننا = صارت صعيبه بدربنا
وإن كان ودّك تبعدين = صعبة أنا أنسى حبنا
ما يعني هذا ترجعين = في دنيتي بألقى الهنا
2 - صدقيني
كلمات : مخاوي الليل .
الحان : خالد عبدالرحمن
صدقيني قلبي يحكي لك حقيقه= صدقيني ما أرى غيرك ملاك
من أجل وصلك باتخذ أيّة طريقه=ما أبالي لو طريقي لك هلاك
بعدك ولا غيابك على نفسي ما أطيقه= كيف أجاهد روح تشقى من غلاك
شرع الخطا يا زين عم الخليقه= وإن هفا شوقي معك أبغى رضاك
يا زمان اللوم احرق لي وثيقه=طيها دستور بظلمه وطاك
منهو فينا أو في البشر ما نشف ريقه=كم قيل عنهم الشقي هذا وذاك
الشك من طبعك وباحساسك رقيقه= مقبولة عندي ولوهذا عطاك
روحي تنادي لك بصرخة غريقه= يا مغرقتها ليش عيني ما تراك
3 - بلا ميعاد
كلمات : مخاوي الليل .
الحان : خالد عبدالرحمن
فجــأة طلبتنـي لـهـا .. بـلا ميـعــاد=طول انـتـظاري علّ حالي بسببهـــا
لبّيت وجيـت قبالـهـا .. شفتـهـا تـــزداد=روعـــة بصـورة حسـن ربـي رسمهـــا
عينـي أنـا بعينـهـا .. والقـلـوب ابـعـــاد=أخشى هدب عينـي يلامـس هدبهـــا
ما أقوى الحكي حينها .. والقلب ما أعتاد=عـلـى لقى اللي حبّـها مـن عرفهـــا
نظرة سواد عيونها .. هـذا المنى والمـــراد=لهفـة شفــايف طـوّلت فـي عـناقهـــا
4 - خذ ماتبي
كلمات : مخاوي الليل .
الحان : خالد عبدالرحمن .
خذ ما تبي بـس اتـرك القلـب يرتــــــاح=لا بالمودة عطيتــه لا بالصراحــة خذيتــــــه
فـي غايتـــك تهوى على ملك الأرواح=صدق الخيانـة جزيتـه يا كم بغيري نويتــه
كافـي علي أصبحت بالســد فضّــــــاح=غصبٍ عليّ حكيتـه بكاني حظـي وبكيتـــه
قل لي متى ترسـم على قلبـي جــــراح=منك الصبر ما قويتـه أفقدتنـي ما أحتويته
أملكت كلّ قلبي الوفـي ومعك مفـتــــاح=عقب الندم وش رأيته عن حب غيرك عميته
من علّمــك ترمـي بقيعــان الأرمــــــاح=لا بالقتل قد نويتـه عمري بكفـن حي طويتـه
جـذعٍ ذوى عطشـان لـو ترفـعـــه طـــــاح= تتعب معه لو ركيته ما هو بحي لو سقيتـه
لا تنتظـر رجعـــه ولا تطــري اصـفــــــاح=ما أقول حبك وطيتـه ما أقول حبك نسيتـه
أبعـــد عسـى في دربـك اليــوم ترتــــاح= أنت الذي أهتويته ولا .. بالغصيبه مشيتــه
5 - لأجل حبك
كلمات : رياض ابراهيم .
الحان : خالد عبدالرحمن .
رجعنـا بعد ما كنت= بعيد و إنتي بعيده
وأنا يا منيتي آمنت= فراقك قلبي ما يطيقه
قويتي الصبر في فرقاي= وأنا في غيبتك ما أقــوى
نسيتـي يوم كنتِ معاي= والنسيان بك أتـحدى
هل هو شعورك هالغريب= أو أنا ماني لك حبيب
ثلاث سنين بنا مرّت= ولا كنّـا نحـسّ بـخــوف
عيوني منّي تبـرّت= قليل النوم فقـدها الشوف
لأجل حبّـك قويت أسهر= إلى حتى طلوع الشمس
وهذا لعينـي مقدّر= يمر اليوم مثل الأمس
مدري متى شمسك تغيب= مدري جرحي يطيب
ــــــــــــــــــــــــــــــــــــــــــــــــــ
(( انتظرتــه ))
ويحتوي على ستة أعمال .
1 - لك خافقي
كلمات : مخاوي الليل .
الحان : مساعد العيسى .
ليتك لعينـي قريبـه= كان أبسهر ونومي لـجفني حــرام
عمري عطابه صخيبه=ما يضيع العمر ودامك له غرام
أنتظر متى على الفرحـة تجين= ودنيتـي فـي ناظري بقربك تزيـن
طرفي اشتكى لي شوق= بالله شسوي به
ما بقى من هالعمر كثر اللي راح=وشوفتك يا شـوق تبـري الجـراح
لك خافقي شراي=بموانسك تطري به
عشت لك وغير إحساسي ما أقول=وبأنتظر لو غيابك لي يطـــول
ردي على الولهان= لا يهون بك تعذيبه
2 - يا شوق
كلمات : فهد بن خالد .
الحان : خالد عبدالرحمن
ماني على فرقـاك يا شــــوق نـــاوي=ميـر الزّمـن له وقفـةٍ بيـن الأحبــاب
يشـهد على ما أقـول قـلبٍ شقــاوي=دمـعٍ نثرتــه بـان من بين الأهــداب
كانـك على ذبـح الوفى فينـي قـاوي= تذبـح خـفـوق اللي يحبـك ولا تـــاب
واللي بقـى مـن وقتنــا مـا يســاوي=لحظــة نعانيـها مـن البعــد أغــراب
لا يا نجــوم الليـــل ماني بهـــــاوي=فرقـى منـاة الروح ولو طالت أسباب
يا ناصحـيـن القلـب ما لــه مـــداوي=غيـر الحبيــب اللي لـه القلب طـلاّب
3 - حقيقة
كلمات : مخاوي الليل .
الحان : خالد عبدالرحمن
حقيقــة فعــلك ما يـطــاق=ومن يستحق فينـا العتـب
وإن كـان تنـويـن الفــــراق = سهلـــه عليـك بلا سـبــب
قـلـيـل أحــسّ بطيبـتــك = كـثـيـر مـنـك الـلوم
لا تتـعبـيـنـي وش بقـــى = مرض الشقــــا لـي دوم
ما بـيـنـنـــا دار الزعّــــل = ما أظلمك فـي كـل الخــطا
والجـد أبقــى مـن الهـــزل = والتضحيــة أصـل العــــطا
وشلـون أبمـشـي بطاعتــك= وانتــي علـيّ تـقـســيـــن
إخــذي القــرار براحـتـــك = ما أسـألـك زيـن أو شـيــن
مـن كـثـر خـوفـي والألــم = مـا عاـد أحـس بأي خـــوف
سرت الخـطا بليل الـظَّـلَـم = عرفت حـالك سمع وشـوف
إن كـان لي حــقٍ أبـيــه = وإن كـان ما لي أنـسـحــب
واللـي تـبـيـنـه اتبعيه= قلبـك يبـي منهو يــحــب
4 - أهلا هلا بك
كلمات : سعود بن عبدالله .
الحان : خالد عبدالرحمن .
أهلاً هلا بك يا بعــد كـل مـن لي=يا أغلـى مـن الغالـيـن يا روح روحـي
يفـزّ لـك قلبـي وأرحّـب وأهـلّـي=تـطـيــب في قربــك جميع الجــروحِي
لك طلعـةٍ مثل القمــر يـوم هلّــي=خــلاّ ســواد الليـــل نـــورٍ يـلـــــوحِي
يمّــك دعانـي زايـد الشــــوق كلّـي=جيتــك وأنـا قـلبــي بحبـــك يبـــوحِي
تعال نحكي عـن مشاعـرك قـل لــي=واحكي لك همـومي وجرحي ونوحي
هــاج الغــــرام وتـلّــه الـــود تــلِّي=قـلــبٍ قبـل عرفـــك حيـاتـه مـــزوحِي
5 - انتظرته
كلمات : رياض ابراهيم .
الحان : خالد عبدالرحمن
إنتظـرتــه وقلبـي إحساسـه يقــول=صـوت خلي اليوم ما أظن أسمعــه
الخبـر عنـدي وغـيـبـتـه بتـطـــول=وقتـي مـن اليـوم حسابه باجمعــه
ضـاق بـي صدري وأدوّر لـه حـلـول=فـي ضميـري نـار شوقـي مولعــه
عشـت فـي دنيـا أدور بهـا وأجــول=عشت فيها بضيـق وعايشت السعـه
ما لقيـت اللي علـى دربي صمـول=كـود بعـض النـاس وقتــه يمنعـــه
روضتـي جفّـت وأنـا خلـي سيــول=مبعـــدٍ عنـي وقلبــي يـتـبـعــــه
طبعها اللي يوصف بالطبع الخجول=بيــن كــل النــاس عنـدي أرفعـــه
الغـريـب اللي أسـولـف لـه وأقـول=عن هـوى نفسـي كلامـي أقـنـعـــه
ما يـلام اللـي مثـل حالــي يـنـول=لـو قضـى ليله يســاهر مدمعــه
لي على الغـالي وشوفـاتـه ميــول=زود شوقـي له غرامـي أصنعــه
لـو حصـل لي شوفتـه همي يـزول=وقتهـا أنسـى البشر وأجلـس معــه
أذكـر إني بغـيـبـتـه دايـم أقـــول=هـو حيـاة القلـب هـو لـه مطمعــه
فرحتـي يـا خالـد بيــوم الوصــول=با فـرح لـقـلـبـي بهــــمٍّ ودّعــــــه
6 - من دلعك
كلمات : مخاوي الليل .
الحن : خالد عبدالرحمن .
من دلّعـك .. خـلاّك تـخـتــال=عـزّ الـلــــه إنـه بدلالـه متّعــــك
من صـوّرك .. سبحانـه اختـار=بالـزين أحلاهـا صــورة شرّعـــك
منك اغتذى الشوف =وأنا اغتذت روحي
دونك بحر خوف= وسلاحي جروحي
وقتي معك .. نظرة وترحـال=صدفة تبيّن لي مشارف مطلعك
ما أروعـك .. يا ملفـت أنظـار=خليت كل الخلـق خلفـك تتبعـك
منك اغتذى الشوف= وأنا اغتذت روحي
دونك بحر خوف= وسلاحي جروحي
ليتـه معـك .. وقت اللقا طـال=شفّيتهـا نفسـي قبـل ما أودّعــك
من يمنعــك .. تمشي وتـختــال=ولا تـرى بالخـلـق منهـو يمنعــك
منك اغتذى الشوف= وأنا اغتذت روحي
دونك بحر خوف= وسلاحي جروحي
لو بكيت
كلمات : غيوض .
الحان : سمير مبروك .
لـو بكيـت دمـوع عينـي ما تفيد=وإن شكيت الشكوى ما فيها مســد
كل يـوم يذوب فـي قلبـي وريــد=أتصبّـر مـيــر ما عـنـــدي جـلــــد
نار شوقـي لك يذوب لـهـا الحديد= وإنتثـر دمعـي علـى خـدي بـــدد
دايمٍ يا شـوق شوقـي لك جديــد = وإن سألـت العيـن لـك فيهـا مــرد
دمعتـي تنبيـك عـن حـبٍ أكيـد=غيرهـا يــا روح روحـي وش بـعـــد
كان قلبـي قبـل عرفي لك عنيــد= مـا يـحـن ولا رمـى غـيـرك لأحــــد
ليـن طـوّعـتـه بحبــك يا وحيـــد=والمـحـب يطيـع محبوبـه وحــــد
يا حبيبـي غير شوفك لا ما أريــد=دوك طـرفـي طايـر فيـه السّـهــــد
يا حبيبـي فيـك يا حلو القصيــد= لو كتبـت الشعـر فـي غيرك شــرد
أتـغـنّى فيـك بأشــواقي نشيــد= بأصدق اللي قيل مـن بنـت لولــد
2 - حروف الحب
كلمات : غيوض .
الحان : سمير مبروك .
أكتب حـروف الحـب حبـسٍ برجليـك= قيـدٍ يقيــــد خـطــوتـك لا تــــروحِي
إقعد معي وإن رحت خذني مخاويـك= آن لا تـروح إن كــان قفيـت روحــي
ريّـظ خــطا رجـلـك شـوي لـغـالـيــك= خـلـه عـليـك بسـرّ حـبــه يـبـــوحِي
يا واحدٍ مـالك شبيـه لـك يـحــاليــك= نفس بحبـك من ظمـاهـا شـحـــوحِي
أغليـك واللي كـوّن الكـون أنا أغليــك= حب الغلا ماهـو بمثل حب المــزوحِي
يا غاليٍ دمعـات عــيـنـي تنـاجـيــك= بعباير مـن فـوق خــدي تـفــــوحِي
حتى وأنا فـي غـفـوة النـوم أناديــك=وطيفــك عـلـى شاشة خيالي يلـوحِي
إرجـع عـلـي وضمنـي بيـن أيـاديــك= ضمة غلا تحـيـي بهـا ميـت روحـي
3 - ياحبنيلك
كلمات : غيوض .
الحان : سمير مبروك
يـا حبّنيـلك دون كــل المخـاليــق= ياللي تسـاوي كل شيء بحياتــي
لا شفت زولك ينجلي عني الضيق= وإن غبت عن عيني تزيد عبراتـي
دايم عيـونـي من فراقك غواريـق=وطلعتك ترسم بسمتي في شفاتي
الـحـب مفتـاح القفـول المغاليــق=وحبك دواي وفرحتـي يا غناتــي
أغليك وإللي بل أشافيك بالريق=يا منوتـي دايم محقــق مناتــي
غـلاك ساقـه رامعي في المعـاليـق= ولـولاه عينـي ما تعدت وطاتــي
4 - وين إنت
كلمات : غيوض .
الحان : خالد عبدالرحمن .
وين انت قبل اللي مضى سنينـي= يـا مسعـدٍ باقـي حـيـاتـي بـالأفــراح
ما قـول قبلك في حيـاتي ضنينـي= ولا نيب مع غيرك من الناس مرتــاح
حتى فرحـك ارهب شقاي الدفيـنِي=ومنـك السعادة بدّدت هـاك الأشبـاح
يـا غـالــيٍ قـرت بـلامـاك عـيـنــي=حبـي وحبــك هـن سبب ربط الأرواح
كـأس الـهـنـا تو أقضبنّـه ايدينــي=وأروى ظـمـأ وقـتـي هذاك اللـذي راح
واللـــه مـا لك فـي حيـاتي وزيــنِي=برق الفرح قبـلك على العيـن مــا لاح
ــــــــــــــــــــــــــــــــــــــــــــــــــ
من يسد بمكانه
كلمات : عبدالله الفيصل .
الحان : خالد عبدالرحمن .
قرب الرحيل وخاطري منك ما طـاب= يا واحدٍ عنـدك حياتـي رهـانــــه
تـدري بعلـه واحـدٍ منـك منصــــاب= اللي بقلبه لك يقوله لسـانــــه
بك طيب لو ما حط بك زين الأطيـاب= يا غصـن بان ناعــمٍ بـه ليـانـــــه
يا ليتـهم سمّـوك يـا زيـن معـطـاب= حيث ان حبك بالضماير مكانـــه
كلٍ عذلني فيــك عــدوان وأصحــاب= وأقــول خلونـي وكـلٍ وشانـــــه
وان قيـل وإلا بـدّل أحبـاب بأحبـــاب= قلـت آه لكن من يسد بمكانـــه
2 - سمرت
كلمات : خالد الفيصل .
الحان : مساعد العيسى
سمرت بصحبة حروف القوافـي= أحمّلهـــــا تناهيـــت خـوافــــي
أشكّـل بالحـروف ألـوان صــورة= أحـرّكها مــن المعنــى بـصافـــي
أشيل الحرف من معنى لمعنى= وأداري ما ظهـر وأظهــر بخافــي
وإلا منـي عطيت الحــرف ونّـّة=بـها حرفـي على النجمات طافـي
يقـوّم كـل نجــمٍ مـن منـامــه= أنـا ما نيـب أسامـر نجــم غافــي
يجينـي كل نجــمٍ منــه معنى=ولا قـــد قـلـت للنـجمـات كافــي
تصورلـي دمـــوعٍ وابتسامــــه=مـن عيــونٍ تقصـوت ما تشافــي
ألا يا نجـــم يا عــالي تبصّـــــر= شـف بعـين المحبــة عيـن وافـــي
وخبـرني عـن علـومـه وحالـــه= عـسى قلبـه مــع الأشواق دافـي
وخبّر صاحبـي عن حـال خلّـــه= تـرى يمشي على الأشواك حافـي
ولو ممشاي فـي جمـرٍ يفيـــده= مشـيـت بجمرهــا كنّــه عوافــي
ولكـن وش يفيـده لـو ذبحنــي= ومـن يوصـف جماله عقـب قافــي
3 - دقات قلبي
كلمات : غيوض .
الحان : خالد عبدالرحمن
دقات قلبي من عناي اعبثت بــي= تــزود بيــن الثانيـــة و الدقيقــــة
راحت بي أفكاري بعيدٍ وجــت بـي= وأهداب عينـي في دموعـي غريقــة
أكتـب وتقرأ ريشـة العــود كتبــي= شعري سلس ينساب على السليقـة
مشاعري يا شوق يمّك جرت بــي=من مرهـف إحساسي بيوتٍ رقيقـة
أحنّ وأشواق الغــرام اعصفت بــي= وقلبـي فراقـك ساعـةٍ ما يطيقــه
محبتك يا روح روحي سطـت بـي= والدمـع في عيني من أجلك غريقــه
4 - سلمولي
كلمات : سعود بن محمد .
الحان : خالد عبدالرحمن .
سلمـولي على الغالي سلامٍ كـثيــــر= وأخبروه إني أسهـر لين يبدأ الصبـاح
دمعة العين عقبـه بالمحـاجـر تـحيــــر= ما تـجـيـه عيوني كود عند الـمــراح
ليت لي يا هوا بالي جنـاحٍ وأطـيـــر= البلى إني عليـك أكفخ بليّـا جـنــاح
حارب النوم عينـي ما يطب النظيــر= من سبايب غرامك جوهر العقـل راح
شالك الزين عيني يوم مالك خـشيــر= واللـه اللي بـلانـي بـك بـليّـا صــلاح
كنّ وجهك قمر خمسة عشر مستديــر= ليـت منـه بلـغ بـك غايته واستــراح
صدّ عنـي ترى عينك سهمها خطيـر= ما خبرت أحــد قبـلك عيـونـه رمــاح
مثلما كنت بأقدامك تدوس الحريـــر= أنت يا زين بأقدامك تــدوس الـمـلاح
5 - صمت البوح
كلمات : السامر .
الحان : فلكلور .
منك وعليك الهم من وين ما اروح = يمشي معي يا شاغلي مثل ظلي
انا حياتي بالهوى كلها نوح = تشرب ظنوني هم واقول علي
أغلى الجروح اللي بها منك مجروح=الله يا حبي لجرح التغلي
لي في عذاب الحب رحمة ومصلوح=عذابك ارحم من نعيم مولي
حبك عذاب الروح ويونس الروح=مستوليٍ حبك على كل كلي
اصمت ويظهر منك في صمتي البوح=ملامحي منها جليسٍ فطن لي
6 - في غربتي
كلمات : مخاوي الليل .
الحان : خالد عبدالرحمن .
فـي غربتي تغـرّب النور عن عينـي = وش حاجتي في نـور عينٍ غاب غاليهــا
أمر السفر يا نظر عيني قضى فيني = نفسي على ما تعاف أمر الله حاديهــا
يمّك حبيبـي عظيم الشوق يدعيني= يسري بعروقي كما تسري الدما فيها
عـلي خطـرها حياتي يا معـنّينــي= بعدك عطبها وشوفـك حيل يشفيهــا
أخاوي الليل وهاجس ليلي يخاويني= يمّك سرابي داعي الذكـرى بحالـيهــا
أقضي بدنيا لعيني شـوف مشيني= إلى متى عينـي على شوفـك تمنيّهــا
(( آهات ))
ويحتوي على أغنية واحدة فقط .
آهات من طول العنا طاولتني=ونفسي من الفرقا وحالي صخيفه
جارت علي من الفراق وقصتني=غزت ولكن مانوت بالنكيفه
بهمومها اللي شفت منها كوتني=هذا الذي خلى حياتي مخيفه
باكر يروعني وأنا فيه فتني=وأقول ليت الغيب يبخل بحيفه
خيل السعادة بالهوى خالفتني=خالفت معها عيد قلبي وريفه
هبت هبوبٍ بالنيا عطشتني=وكم غاليٍ قبلي ظما من وليفه
ليت الليالي عن غرامي نهتني=ولا بدا زرع الأمل منك هيفه
والا انها في غايتي خيرتني=واختار أنا مرباع قلبي وصيفه
خل جيوشه بالمحبة غزتني=وأنا اسير للعيون العفيفه
أغلى هجوسٍ طول الأيام جتني=هاك الهجوس اللي تجيني بطيفه
الماضيات بغيبها مانصفتني=والمقبلة ترجي عدلها خليفه
اتبع ظنونٍ بالهوى ما شفتني=احسب حمولي بالمحبة خفيفه
واليوم ظالمت المحبة طوتني=طي الورق يوم انطوى به خريفه
واشباح ياسي بالهموم أعترتني=وأنا علي أسباب صدك كليفه
أشيل حتفي راضيٍ فوق متني=وأبوح نفسي من حياتي معيفه
واقول للي بالجفا عذبتني=عسا الشقا من بيننا بالنصيفه
شربت من فيض الشقا واشبعتني=دنياً مع الأحزان ضدي حليفه
ــــــــــــــــــــــــــــــــــــــــــــــــــ
ودي تشوف الهم
كلمات : السامر .
الحان : صالح الشهري
ودي تشوف الهم وشلون ســـوّى= بحـال من حبك على غيـر مصلــــوح
جرحتنـي جـرحٍ جديـدٍ تلـــــوى= على خفـوقٍ منـك بالحيـل مـجــروح
سويت فينـي شئ مـا ينتســوى= وأقـول يا سيــد المماليــح مسمــوح
ليتـــك بـزلاتـك عـليّـه تـــــروى= يـوم أن حبي لـك مـن الـروح للـروح
أن كان حبـل وصالنـا ما تقــــوّى= فالله يعين عيون سامر عـلى النوح
لا يا بعـد من جابـوا آدم وحـــوى=خطاك مهما صـار منسي ومدمــوح
2 - العـطـــا
كلمات : مخاوي الليل .
الحان : خالد عبدالرحمن
العطا ..
ما تبادلنا العطا
والخطا ..
لا حشا ما أخطي عليك
بي سطا ..
جرحك بإحساسي سطا
يا عطا ..
أول عطا منك الخطا
أحبك لو تجافيني ..
وعلى كل الخطى مسامح
أحبك يا نظر عيني ..
ورضاك ألزم ..
ولكني فقير الحظ ..
أنا لك أكثري تجريح
ترى حبك ..
بيشفعلك .. أحبك
ذوب خفوقي الشوق
و إنتي معي يا شوق
يحلى لحياتي الذوق
طعم السعادة بك
لك خفوقي ..
إشتقى ..
ثم إهتنابك ..
في عروقي ..
دمي الجاري إغتذابك ..
ولاح شوفي ..
في سما كل البشر
غير زولك ..
ماملى أحد النظر
جددي فيني ..
حياتي باللقى
3 - هاتيها
كلمات : خالد المجاهد .
الحان : خالد عبدالرحمن
هاتيها .. روحي خذيتيها
يا مايقـه بالزيـن
لـمـتـيـها .. يـومٍ مـلـكـتـيـها
كـل الـمـلا داريـن
داريـهـا .. من سيرة العشـاق
إنتـي وأنا اثنيـن
يا فيها .. شهـد العسل والزين
مياسة وتـدريـن
يا أحلى قصيدي
من غيرك بعد
يا حبي الحقيقي
يا عز الطلب
في مجرى وريدي
وبالقلب انكتب
اسمك أنت سيدي
وأنت اللي أحب
ينتشي من يسمع أبيات الغرام
ما يجر الآااه من قلبه خـلـي
عمري اللي به غدا حبك وسام
حظي اللي قام يومك صرت لـي
4 - ليل التجافي
كلمات : بدر بن عبدالمحسن .
الحان : خالد عبدالرحمن .
آه من ليل التجافـي ما أطولــه= ليلـــة العاشـق ثوانيهـا ليــال
مـن يقــول الشمس باكـر مقبلـــه= كـل شمسٍ مالهـا وجهك ظـلال
أسألك باللي أخــذ منــك الولــــه= حطّـه بصدري وأعـطاك الجمـال
حاكـنـي لأجــل الليـالـي الأوّلــــه= آاه أنا بموت من ذلّ السـؤال
هو صحيح إنّك حبيبـي لي دلــه= و إستوى عنده فراقي والوصال
كـل جـرحٍ غيـر جرحــك بأقبـلــــه=كـل ظلـمٍ غير ظلمك لي عـدال
5 - تذكار
كلمات : مخاوي الليل .
الحان : خالد عبدالرحمن .
تذكــار عـيـشـي علــى التـذكـــــــار= وإن كــان يـحـصـل لـك تناسيهــــا
بفـراق تالـي انتـهــت الأخـبــــــــار= عِشـرة حيـاتـي اليـوم ماضـيـهـــا
لا تـحـسـبـي سـرّك مـن الأســـــــرار=اللي علــى الـجـنسيـن تفشيهـــــا
منــك الـخـطايـا انتـهـت بأعــــــذار= وعيــونــك النـكــران معميهــــــا
قلبــك مـن أحداث الـفـشـل محتـــار= تستـخـسـري خطـــوة مشيتيهــــا
مـا يـهـتـنـي منـهو غريــب الـــــدار= مثــلـك غريـبـــة وسـط أهاليهــــا
وأنـا اللي فينـي مـن الجـروح كثـــار=لا أنتـــي ولا غـيـــرك يداويـهـــــا
اللــه حسيبـك كيـف قـلبــك صــــار= بـــاع المحبـــة وأشتـــرى فيـهـــــا
صرنـا علـى هــذي السـوايـا كبــــار= قبــلك عـــذارى مـا مشــوا فيهـــا
هل هي عطش هل هي تسالي صغـار=هــذي الســوايا مــن يسوّيـهـــــا
6 - يا عذابي
كلمات : مخاوي الليل .
الحان : خالد عبدالرحمن
يا عذابي ..
كيف أنا بقوى عذابك
لا صار فـي بعـدك عذاب
وفـي قربك عذاب
يا شبابـي ..
زيـنــة أيامي شبابـك
لك في حياتـي حساب
ونسيانـك حساب
ما تصدق لـو أقـول أنك حياتي
فـي كل شئ
سمعـي وشوفـي أنت
دمي وإحساسـي
باسم الهـوى لازلت
فـكـري وهوجـاسي
وتدري عـلي .. بعـدك عذاب
وفـي قربـك عذاب
يـا حـب ..
مالي فيــك غـيــر الشقـى
يــا حب ..
أخـذ مـن حياتي ما بقـى
عشتـه بإحساسي ولا به شـك
يبـدّل شعـوري
حبـك جـرى بدمـي وذاب
آمر تدلل
كلمات : غيوض .
الحان : خالد عبدالرحمن
حبـي لك أكبـر من جميـع التواصيــف=حبـي لك أكـبـــر مــن كـلامٍ يــقــــالِي
غـلاي لـك صـافـي ولا فـيــه تـزيـيـــف= أصـفـى مـن الـمـي الـقـــراح الــــزلالِي
الحـب ما بـيـن القـلـوب الـمــوالـيــف= سـعــادةٍ مـا بـيــن غـالـــي وغــالـــي
إن غبت جابك في حلـى نومي الطيــف= وإن شفـت زولـك كـل شـيءٍ صفـا لـــي
من غيــرك الأيـام يا صاحبـي صـيـــف= إنت الربـيـــع اللي بـنـبـتــه زهــــالي
دايم وأنا أمشي لك حبيبي على الكيف= آمـــــــر تــــدلل لـك عـلـيّ الـــــدلالي
2 - يامهاجرة
كلمات : مخاوي الليل .
الحان : خالد عبدالرحمن
يا مهاجرة باحساس ..
أغلى من الروح ..
ودعتها ذكراك ..
على أمل لقياك ..
وعشقتها ديرة يوم وطتها خطاك ..
وجدي على نظرة ..
يا مهاجرة بإحساس ..
أشري بها عمري ..
وأنسى حديث الناس ..
ويوم إنك أقفيتي ..
من في الهوى لايم أقدر أطيع أمره ..
مني رساله حرف شوقي لها معنى ..
ودنياي أنا صوره ..
وجهك ملامحها ..
ولا زلت أبحكي لك يا مبعده عني ..
ومناي أنا أحكي لك يا مبعده عني ..
بشوقي أسولف لك ..
أدري حياتي هـمّ تعبت أباصلك ..
وهمي تراه إنتي ..
يا مهاجرة بإحساس ..
يا مهاجرة غبتي ..
وأخذتيني رقيق إحساس ..
والروح في وصلك ..
لا ما تعرف الياس ..
عشتك معي أيام ..
يا كل تفكيري ..
ليله قمرها إنتي ..
3 - من نشدني
كلمات : السامر .
الحان : خالد عبدالرحمن
ودّي أشبـع منك شوف وما حصل لي= كـل ما ناظرتنـي ضاعـت عـلومـي
فـي عـيـــونـك للغــلا حــبٍ يهـلـي= ناظـر لحبـك عـلى خـدي وسـومـي
طحت فـي حب العيـون السـود كلـي= ومن عثر في رمش عينك ما يقومي
خدرةٍ تشرب ظما حسنـك رضاً لي= كـنها فـي صحـوةٍ من عقب نومـي
إنشــرح صـدري بشـوفـك واسفهـلّـي= خـافـقٍ ماله عـلى وصـلك سلومـي
من نشدنـي قلـت أنا مجـروح خـلّــي= فـي حيـاةٍ للـخــلايق مـا تــــــدومِي
4 - بنســاك
كلمات : شيمة .
الحان : خالد عبدالرحمن
بأنساك .. لأني لك
ألبس ملبس النسيان
ما أبغاك .. لأني الآن
أرفض عيشة الحرمان
ما أبغاك يكفينـي تـعــب
ما أبغاك لو إنك ذهـب
كـانـك قـدرت تجمـع سنينـي اللي مضت
كـانـك قـدرت تسقيهـا روحي اللي ضمت
حتى لو إنك قـدرت
لا تطري الرجعــة عـلى لسانك أبـد
وما أظن لي قـلـبٍ بـيـرقـص لك طـرب
ولا عاد لي نفسٍ تناديلك مـحــب
حبك رماد
حبك ذرى ذاك المـهـب
حبك رميتـه واتبعـه
حبك طويتـه وانـتـهـى
بأودعك على أمل أنساك
ويا ليتنـي صدفة أبد ما ألقاك
بأنساك وأنسى ما مضى
وبشـوف بعيونـي الفــرح
بأنسى الندم وجرح الهوى
عـلّـه يطيب قلب انـجــرح
ثغري لقى الضحكـة ونيـس
من قلبـي علمنـي الصبـر
حاضـر حياتي لك يقيس
كيـف أثـر بالغـدر
5 - بادلي قلبي
كلمات : مجازف .
الحان : خالد عبدالرحمن
صدقينـي لـو أبيّـن لك غـــــلاك= ما تصدق اذنك اللي تسمعـــه
طـال عمـري أو قصـر محدٍ سـواك= يفرح بشـوقٍ فـؤادي يـجمعـــه
بادلي قـلـبـي شعـوره في هـواك=حسّـسيـه إنك معه يا مطمعــه
ما أعتقـــد إن فيـه بالدنيا مـلاك= تشبـه لزولك تـصـور بأجمعـــه
حــار تفـكـيــر المـولـع في رضــاك= مستريـح البال لا صرتـي معـه
من سبب صدّك معرض للهـلاك= ناجي دمـوعٍ عيونـي تدمعـــه
6 - خبـــروه
كلمات : مخاوي الليل .
الحان : خالد عبدالرحمن .
خبروه إني على وصله حييت= و إن تفارقنا ترى موتي دنا
لي حبيب يوم روّح ما سليت= يعلم الله تو ما ذقت العنا
عبرتي هليتها حزن وبكيت= يا ردى عمر الحسوفه ما جنا
ذقت من دنيا حبيبي وما إرتويت=جـنـة الدنيا حبيبي والمنا
عشت بأحلام الهوى ليل وبنيت= كل أمالي تداركها الفنا
في حياتي ما ذكرت إني شكيت= في هوانا ضحكت الدنيا لنا
لا حياة ً عقب محبوبي رأيت= والممات أرحم ولا فرقا السنا
هو سنا شمسي وغيره ماهقيت= يفرح بوصلي ولو موته دنا
7 - علمتني حبك
كلمات : مخاوي الليل .
الحان : خالد عبدالرحمن .
وشلون ما أغليك ..
وإنت الذي علمتني حبك ..
يا هاجسي ..
عشقي عيونك ..
إسأل ..
وتلقى الجواب ..
في ناظر عيوني ..
تصوير لأجمل عذاب ..
حبك يا مفتوني ..
تلقى حياتي كلها لذة غرام ..
مهما سهر طرفي ..
أو جارت ظروفي ..
أو عشت أنا الحرمان ..
تلقى حياتي كلها لذة غرام ..
يا عذب الصفات ..
يا كل الحياة ..
صبرك علي ..
هذا قليل ..
مهما ترى من تضحيات ..
هذا قليل ..
خل السهر لعيون من حبك ..
خل العيون اللي لها عشقي تبات
(( صفحة جديدة ))
ويتألف من ثمانية أعمال
1 - الصـــــد
كلمات : أثيل .
الحان : خالد عبدالرحمن
والله لأجـازي راعـي الصـد بالصـد= وأصـد عـنه وكـنـه ماهـو بموجــود
أول معـه أمشي إلى أبعـد الـحـد=وأعطيه وفا وإخلاص ماهو بمحــدود
لكن لـقـيـتــه ما يبادلنـي الــود=يـجـزي العطا مني بنكران وجــحود
بابٍ انفتح بهمـوم واليـوم ينــرد= ما فـي بقايا الأمس يا وقت لـي زود
وقفت فـي وجه الهوى وقفة النـد=أبـقـى وعـز النفــس ماهو بمفقــود
طويت حلمٍ فات فـي راحة اليــد= تــرك دربٍ كـان مـفـروش بـــورود
درسٍ وعاه القلب من صفعة الخد=الغدر ماهو بــس بأيامنـا الســـود
2 - من الفرحة
كلمات : مجازف .
الحان : خالد عبدالرحمن
من الفرحـة نسيت إني عليك البارحة زعــلان= نسيــت أقــول لـو تـسمــح تـكـرّم لا تكـلمنـي
أهلّي بك مثل ما انت تهلّي بي وأنا الشفقـان= أحسـب إني أنا الغلـطان وفرصتـك ما تعلمنـي
ذكرت انك عليّ أخطيت ولكن نعمة النسـيان= تنسّينـي خـطى الغـالـي وتـرجــع لـه تسلمنـي
حبيبـي ما تمكّـن داخــل فـؤادي ولا انـســان= ألومك يومك انت أخطيت وإذا أخطـيت أنا لمني
حبيبـي لـو يطـول الوقت أو يقـصـر أبد خلان= تراك انت الوحيـد اللي يشتـتـنـي ويلملمنـي
حبيبـي دايمٍ قلبـي معك مشتاق لك ولهــان= غـيـابك عـن عيـوني يطـول بهالمـدة يألّـمـنــي
3 - حالــمة
كلمات : فهد السياري .
الحان : مساعد العيسى .
حالمة وابعاد تفكيرك خيال=في هجير الشمس ما تلقين في
يوم عشتي من حناني في دلال=تحسبين انك ملكتي كل حي
لو تندمتي وناديتي تعال= ماتغير صرخة احساسك علي
كيف وانتي للكبر صرتي مثال=وانطويتي بدنيتي احلام طي
غرك احساسك وتحقيق المحال=لا بغيتي شي خذتي كل شي
الغرور يحطك جسور الوصال=يعمي عيونك ترى عن كل ضي
الغلا له حد يا بنت الحلال=خففي من كبرك الزايد شوي
4 - ياغايب عني
كلمات : ماجد بن عجب .
الحان : خالد عبدالرحمن
ياغايب عني ترى للبطا لوم=لاشافتك عيني ولا جبت طاري
بسأل كثير الصبر يمكن تجي يوم=تلفي تنشد وانت بالحال داري
لك هاجس الذكرى سرق عني النوم=ماودعه فكري ولا عنه ساري
يسكن خيالي عشق ما يرتحل دوم=موقد براد الروح من شوق ناري
وقفة خطاوي ملها درب محروم=متى أشوفك والفرح لا مواري
قضت سنين العمر بالود مهموم=واحمل خفوقي سر وأحكي وأداري
باصلك كلي من كسر بالجفا زوم=واعلن عليك الشوق بالحب أماري
واسعد معاك ولا بقا للعتب لوم=وان شافتك عيني فلا جبت طاري
5 - بينك وبيني
كلمات : عبدالله عبيد البقمي .
الحان : خالد عبدارحمن
بلا مـيـعـــاد يا ظـامـيــه افــــراق=إنتـي السبب في اللي حصل صدقيني
هذا مـوادع بيـن شـوقٍ ومـشــتـاق= تقـوى الهـجــر لا صـرت لا ما تبينـي
مـن دلعــك تسليـن بآهـات عشّـاق= ويـن انت في وقتٍ مضى ترتـجـيـنـي
فـي ضحكتـي آلام وأحزان وأشـواق= مأسـاة حـبـي قـولـتـي صــارحينـي
اللـه أقـوى للنـدم صـرت مِـنسـاق=وش فايـدة دقــات قـلبـي تـجـيـنــي
فكري وروحي لأجل حبك به احراق= ماتـت حـروف الحب قومي ادفنيني
خـذ ما تبي وأخذ الصور وأخذ الأوراق= واترك بقـايـا جــروح بـيـنـك وبينـي
بنسـاك أنا ولـو بكيـت من الأعماق= بس الـزمن يصـرخ يقـول اذكـريـنـي
6 - صفحة جديدة
كلمات : بندر الرشود .
الحان : خالد عبدالرحمن
إفتـحـي صفـحة جديدة يا مــلاك= وانسي اللي فات نبدأ من جـديـد
دام قلبـي يحـتـرق ما قد نســاك= والمشـاعـر فـي هـوى حـبـك تـزيـد
ما كـفـاك إني على درب الهــلاك= أنـزف الدمـعـة كما نـزف الـوريــد
من عذابي بس أفكر فـي رضــاك= وإنتي إحساسك عن إحساسي بعيـد
وافيٍ صـادق مـعـك أطلـب عـطاك= وش بغـيتـي حـب ثانـي ما يـفيد
7 - حبيب الأمس
كلمات : محمد العجمي .
الحان : خالد عبدالرحمن .
كتبت الحرف لأجل أنسى هموم البارحة واليوم= لقيت الـهـمّ فـي حرفـي تربّـع يـوم خـطّـيتــه
يقـولـون الملا ظـالـم وأنا بلـسانـهـم مـظـلـــوم= وأنا المشــتـاق والموعـــد علـى بالي تنـاسـيـتــه
رسمـت أحـلـى معاناتي وراحاتي سما وغيــوم= ولـيــلٍ طالــت دروبـــه ولـكـنــي تـحــدّيتــــه
وقلبٍ ما شكـى الفرقـا وعيـنٍ تشتكـي للـنـــوم= إذا كــان العــمــر جـيّــه عـز اللــه ما جـيتـــه
مشاويره وهـرج الليل وباقي من خفايا عـلــوم= كثيـر أسـباب خلتنـي غـريب الـحـب في بيتــه
حبيب الأمس اذكرنـي أنا بفكـرك بقـايا حـلــوم= نسـيت تذكرر لـيالـينا وطيـر الشـوق هـدّيـتــه
أحـبـك يا شقا باكر أحـبك يا فرح هـاليــوم= كتبت الحرف لأجل أنساه ومدري كيف خطّيتـه
8 - شــــدوا
كلمات : مخاوي الليل .
الحان : خالد عبدالرحمن
شدوا ويمتهم جنوبٍ عن الديره=وأقفوا وأنا قلبي من الهمّ مرضاني
أقفت مراكبهم ألا يالله الخيره= وعيني تفيض الدمع بفراق خلاني
واليوم طاح الحظ على الله تدبيره=قم لا عدمتك حظ يكفيني ماجاني
قلبي فقد ربعه فقدهم مساييره=ما عاد عيني تشوف خلانها ثاني
ياليت لي قلبٍ سطي على الشيره= ودي أطيع الشور والقلب يعصاني
هذا حبيبي ضي قلبي وتنويره= سعدي إلى شفته وإلى أقبلت حياني
يالله ترده لي وأنا أقبل معاذيره= يالله ترده لـي على كيد عـدوانـي
عجزت أبلقى من يعوضني بغيره = يفداه كل الخلق قاصيه والداني
(( عقد وسوار ))
ويحتوي على ثمانية أعمال .
1 - عقد وســوار
كلمات : بدر بن عبدالمحسن .
الحان : محمد شفيق
لا شـاريٍ عـقـد ولا مـهـدي ســــوار= لا تـلـحـقـي نفسك هموم وحسايـف
تريّـثي يا قـرة الـعـيـــن مـقـــدار= ما تشـرب عروق القـصيد الوصايـف
لامن قدحت الشعر شبّيت لك نار= نارٍ على رووس الـهـضاب النـوايـف
يطرب لها الساري ويسري بها الطار= تزهر بها عقب المــحـول الشفايـف
قـصيـدةٍ تـولد ورا بـاب وجــــــدار= ســر الـضـلـوع المرهفـات النـحايـف
بـهـديـك أنا عمـرٍ ولا كـل الأعـمــار= يفنى القلـم قبله وتفنى الصحايـف
غيبـي وشيبي واتركي كل ما صــار= يبـقى جمـالك في قـصيـدي طرايـف
خل الكواكب من سنا نـورك تـغــار= ولا تـلحـقـي نفسك هموم وحسايف
2 - حبيبتي
كلمات : طلال الرشيد .
الحان : خالد عبدالرحمن
الله يرحم طلال عبدالعزيز
حبيبتـي لامن غـديتـي لي سـراجٍ أتـبـعـــه= كني غديت من الظما أركض ويطردني الســراب
لا تبخـلـيـن إذا شربتك ما شربتك من سعــه= دامي من جروح الهموم الموجعــه كلي صــواب
اليوم مرّتنـي السـواني والفـصـول الأربـعــه= اليـوم مرّتنـي الـمـواني والـمـباني والسحـاب
يا بنت في خدك وهج سيل الشموس الساطعه=أحــرق بداخـل داخـلـي انسـان ماهـو للتــراب
اليـوم ما كنـي لقيتك مر صوتك ما أسمعــه= اليـوم ما كنـي فقدتـك في سـؤالين وجــواب
واللي خلق ظلم الليالي في العيون الهاجعــه= إني من الحرمـان أتــسائل وحـرماني جــــواب
يـوم الوداع تـخيلـي ما لي حـبيـب أوادعـــه= محـروم أنا وتـخيلي محـروم حتى من العــذاب
يا بنت لي قـصـة تطول بكلمتيـن موجعــه= هـي باختصار إني أنا أركـض ويطردني السـراب
3 - لوعــتي
كلمات : مخاوي الليل .
الحان : خالد عبدالرحمن
لوعتـي فيـك لوعـه ما لها من مثيـل= جـدّد الوقت جرحي بين يومٍ وليـلــه
آه يا حـظـي جد لي لو بشيءٍ قـليـل= ما خبـرتـك كريمٍ مير ما فيك حيـلــه
حملي اللي أشيله فوق متني ثـقيــل= كل ما جيت أحطه عارضتني جميـلــه
ليتـها عـن هـوانا تنـتـحي للبـديــل= كود حالك حبيبي يمّي يطلق سبيـلــه
من غلاك أفتخر بك وأعمل المستحيـل= لو أعاني حياتي خلّ يعشـق خليـلــه
ما عـرفت المـذلــة لا ولا أنت ذلـيـــل= عزة النفس فينا يا حبيبـي حصيـلــه
سالت دموع عينك وأنا دمعي يسيـل= حزني اللي ملكني والليالي طويـلــه
وقتـي اللي طلبته مَنّ وأثره بـخـيـل= شحّ وقتـي ودبر ما عـطاني قليلــه
4 - زلـــيت
كلمات : محمد الخضيري .
الحان : سمير مبروك .
زليت و إبن آدم معرض للخطا .. زليت
زليت وبحالة غضب جرحي سطا .. زليت
أستسمحك و أقرأ بعيونك لي عتب
وش في يدي أعطيك عن هذا الغضب
ليه العجب ؟
أنا بشر أخطي .. وسبحان اللي كامل بالعطا
زليت
قبل الوداع ..
وآخر وداع ..
إسمع كلامي وافهمه
قبل الوداع ..
وآخر وداع ..
راجع سطور الناس بعمر الزمن
من فينا ما داس الخطا ..
من فينا ؟؟
من فينا كامل بالعطا ..
من فينا ؟؟
أنا بشر أخطي ..
وسبحان اللي كامل بالعطا
زليت
إصبر علي ..
وإدمح خطاي
إصبر علي ..
وإن ما قوى صبرك رضاي
أنا بهواي مجروح من يصبر علي
هجرك ألم ..
أقولها وأقسم قسم
متى الظفر ..
يطلع يا عمري من اللحم
أنا بشر أخطي ..
وسبحان اللي كامل بالعطا
زليـــــت
5 - لوعة المغرم
كلمات : أحمد الناصر الشايع .
الحان : خالد عبدالرحمن .
أعـالج لـوعة المغــرم وتكبـر لـهفــة المـشــتاق=بحسن رضاي أسوق خطاي أقدّم رجلي وأفهقها
أهوجس من طلوع الشمس والى مغيبات الأشفاق= ولا أدري في ظـلام الليل رجلي وش يوافقــها
أباصبـر وأتـصبّـر ما نظن الصبر ما ينـطاق= لقـيت الصبـر مـرّ ولـو ينوش الكبد يحـرقــها
ألا يا كامليـن المــعـرفة ســلك الغــرام دقــاق= إلا صــاب القـلــوب اللـه يـعـافـينا يـخرّقــها
أنا لي صاحبٍ خـدّه ورى الشيلـه كما البــرّاق= بعرض المزنة اللي مثـل شمس الظهر بارقــها
خـلـقـها اللـه وزيّن خـلـقـها وأخـلاقها الخــلاّق= قـليـلٍ جنـسها فـي جيـلـها سبـحان خـالقــها
لـهـا عيـنٍ إليا لـدّت بها تـذبـح بـها العـــشّاق= بها وصـفٍ من عنـق المــها هـو طول عـاتـقــها
إلا ما شفتـها ضاقت بي الدنيا وصـدري ضـاق= وأنا لو الهـوى لي كـان عينـي ما تـفـارقــها
أحب مشاهد الغـالي عـسى ما هو بحب افراق= ولو راحت معه فـي مـغرب الدنيا ومشرقــها
إلا جا الليل ما شفـتـه تـزيد بصـدري الدقاق= معه روحي بسـلك العنكبوت الله معلقــها
إلا عرّض علي ياقـف مثـل وقفـة كـسيـر السـاق= وسـاعـات الـوداع أسـرع من الكدلك دقايقــها
أن وياه جـدّدنا الـقـســم والعـهــد والمـيــثاق= ولكــن قـــدرة اللـه سابـقــه محـدٍ يـسابـقــها
تعاطـينا العـهـد فـي واحدٍ من عاهده ما باق= مادام إن الثـقــة بالنفــس يلـزمنا نـوثّــقــها
أنا أعرفنا سمه تنـقاد بالدنيا ولا تـنـــساق= ولو تعـطـيك عـهــد اللـه وأمانة لا تـصـدقــها
تشوف أزوالهم مثل العـرب مارالله الــرزّاق= متى ما هب نسـناس الهوى يظـهر حقايقــها
6 - يطول الهجر
كلمات : مجازف .
الحان : خالد عبدالرحمن .
على يـدينـك إذا تــسمح تكرّم بدّل أوضاعـي= إذا لي خاطــرٍ عـنـدك تـصرّف لا تـخـلينـي
لغيرك مستحيل أشـكي وأبين له عن أوجاعـي= أنا ما أبغـى بهالدنيا سواك أحدٍ يواسينـي
أنا المـحـتار يـوم إنه دعا قـلبــي لك الـداعــي= دواعي الشوق يالغالي تبعـدني وتـدنينـي
معـاناتي عـلي تـفرض أقول القـلـب مـلـتــاعِي= أجــامل والمـجـامـل بالنـهايـه لك يـودينـي
تمنيتـك تسـاعدنـي أفـل فـي بحـرك شراعـي= توقـعـت إن يدينك بالحقيقة تسبق ايدينـي
على يدينك ترى للـصبر وسط الجـوف مـربـاعي= أشـوف الهجــر ولاّ الوصل يالغالي يداوينـي
يطـول الـهـجـر أو يقصر تزايد فيـك أطـماعـي= مــودّتنا عـلى قـلبـي عـزيـزة لا تـعـنّينـي
7 - عــشق بدوي
كلمات : سعد الخريجي .
الحان : صالح الشهري
نويت مـرباع الغـظي سيد الأحــباب= قـصـدي يـزول الـجـرح زاد إلتهــابــه
جـيـت وبقايا نارهـم حـول الأطــناب= بيت الشعــر مـطــوي وباقي زهابــه
أقفت ركـايـبـهم ومـني الـهــدب ذاب= مـن دمـعـي يسـأل وانذهل بالإجابــة
على غـزير الدمـع ضميت الأهــداب=صـديت ليـن الدمـع يكـفي سـحابــه
بعـض الوجـع يمكن يداويه الأعــشاب= وبعـض الوجع يا ويل منهو سطا بــه
عـشـق بـدوي لا حب ما هــو بكــذاب=يوفـي ولـو جرحــه تـجــدّد صـوابــه
واليوم وصلت بيننا مثل الأجــناب= ذاك الغــلا يا ضـيعـتــه يا سـفـابــه
باكر إذا جـيـنا لـهــم مثـل الأغــراب= من عـقـب مـا كـنا الأهـل والـقـرابــه
الأمـر لـلـــه كــل شـيء لـه أســـباب= وإلا الـهـوى وش لي عـلـى هج بابه
وشلون قلبي ما يجي اليـوم منــصاب= على الرجم منـقوش بعض الكتابــه
حتى أثر مشيه مع سهـول وهــضاب= مـرٍّ يـبـيــن ومـرٍّ مـا يـنـــدرابــه
قلبـي مـن الفـرقا صـويب ومــرتـاب= كـنـه غــدا نـصـفيـن من هـول ما بــه
حزني عـليــه إنـه تـسـبـب ولا طـاب= نـظــرة طـبـيبـه عـجّـلت في ذهـابــه
ريح الخـزامى والنفـل زيـن الأطــياب= يـشدّنــي ريـح السّمـر فـي ثـــيابــه
لأقبل نسيم الليل له خيل وركاب= وله فـي طلـوع الشمـس عـز ومهابــه
8 - أحبك الماء
كلمات : السامر .
الحان : صالح الشهري
أحبـك المـاء لـروحي يــوم يـظميــها=أعظــم سـؤال يواجـهنـي من أيامـي
وش صالحك من جروحي يوم تدميها= يا منتهى الحب كله منتهى أحلامي
غيـرك كـثيـر المـلا عندي ولا أبيــها= ما أشوف غير أنت بين الناس قدامي
محبتـي كيـف ما تـدرك مـعانيــــها= يا نشـوة الحـب حبـك مصدر إلهامـي
ما يسعـد العيـن غيـر عيون غاليــها= أحـلف لك إني لشوفـك دايـمٍ ظامـي
هايم مـطاف العيـون الشـوق يحييـها= شوفـك علشان حبـك والغلا سامـي
(( فرحة لقانا ))
ويحتوي على ثمانية أعمال .
1 - فرحة لقانا
كلمات : السامر .
الحان : خالد عبدالرحمن .
لا تستـحـي قل أحبـك تـعـبت أسماعــي= أرجــوك لا تستـحــي يا صاحـبــي قـلـــها
أطلـق احجــاجـك وخـلـه يرسـل الـداعـي= فـرحـــة لـقـانــا تـرى ما أبيـــك تقتلـــها
ضـاح بـجـبيـنـك لـعيـنـي نـور واشعــاعي= وعيــونــي لشوفـتـك مع خافقـي ولـهــا
خذ جرحـك العام بي من هاجس أوجاعي= وإلا يـا بـو ضـحــكــــةٍ بـيـديــك كـمّـلــها
وإن قالـوا النــاس عمــري بالهـوى ضــاعي= بانت لك أســراري قبـل اليــوم تـجـهلــها
يا صـاحـبـي هاجـسـي بـك دايمٍ واعـــي= فـيــك أنـت نفسـي تـجادلنـي وأجـادلــها
مرٍّ تـكــون الرعـيـــة والـهــوى راعــــي= ومرٍّ أكـــون الرعــيـــــة وأنـــت كـافـلــها
أفـرح بـطيفـك يـجيبـك وأرفـع شـراعــي= والنـفـــس بـوعــودك اللي كــذب عـللــها
2 - يالله النسيان
كلمات : مخاوي الليل .
الحان : خالد عبدالرحمن .
وش تبين
بخفـايا روح مجـروح الزمـن
وش تبين
ما بقى للحــب ما يسـوى الثمـن
من ضحايا العشـق
عـشــنا والجـديد جــروح
لا ونس فـي خـاطــر اللي
ذاب عمره جروح
اتركيـه اللي
خـفا بنفسي ومات
لي جسد يا بنت
فارقت الحيـاة
لا تسألينـي
شـيء راح وكـان
عاصـره إنسان
والنتيجــة مرّة
عشتـها بكتـمان
يالله النسـيان
3 - لك عين تسأل
كلمات : الحـــر .
الحان : خالد عبدالرحمن .
لك عيـن تسـأل ..
بعـد ما جرّحت فينـي بالكــلام
لك عيـن تسـأل ..
بعـد ما بينـي وبـينـك بالـخـصـام
تنتـظـر منـي الرضـا
وتتـجاهـل ما مضى
ما كـنّ فـي قـلبـي
واستـوى جـمــر الغضا
آســـف ..
لا تـحـاول منـي إني أنتــظـر
آســـف ..
وكـلمـة آسـف ما تكـفّـي لك عـذر
تـنتـظر منـي أرد
بعـدما صـار اللي صـار
وأنا مالي إلا أرد
كـلمــةٍ لك باختصــار
كنـت أحبــك ..
فـي غـرورك فـي عنـادك
كنـت أحبــك ..
4 - الطرف الحنون
كلمات : مخاوي الليل .
الحان : خالد عبدالرحمن .
جـازت النظرة من الطرف الحنـون= جاز لي باقي حـلاك وحـشمـــتك
يـوم كـلٍّ بالنظـر عـينــه تـخــون= شفت فيـك اللي عـصمها نظرتك
يا غـريبٍ عـن عيـونـي من تكـون= أنت كــل الزيـن كـمّل صــورتـك
منك أنا برسم عـلى حرفـي فنون= والفنـون أشكـال وفنـك قـبـلـتك
العـقـل ما باح لي فعل الجنــون= وأدري أنـه ما تعـوّض صـحـبتـك
جاز لي وصفـك وأنا اللي ما أمـون=بـس تـقـبّــل ما كتبتـه فـدوتـك
5 - ظــــــــن
كلمات : مخاوي الليل .
الحان : خالد عبدالرحمن .
ظـن ..
كـفـى سـوء ظـن
واستشعره منـي رضـاك
لن أديـنـك ولن
أرتـمـي أطـلب صـفاك
أسألك عـدلاً
برأيٍ مـحـتسـن
تعتقـد أن لك فـي مهجتـي الشيء القـليل
وإننـي أهـدف إلى حب التـملك كالبـخـيل
أسأت بي فـهـماً ..
أسأت بي عـفــواً ..
كـفاك سـوء ظـن
لا يـدان المـرء بشيءٍ ليـس به
ولا خلـق بالناس مـعـصــوم الـزلل
لـم التـخاطب بلـغة الاعتـقاد
كـفاك يا جـارح
ألا لا تـؤتمـن
يا للعــجب ..
أفـي الصـراحة صدق المشـاعر تغـتـصب
يا للعــجب ..
كيـف يبـدو الحـسن ظـالـم
ما الخـطب ..
أجاهدك صبراً
بسرٍ لا علن
6 - سيد الحب
كلمات : مخاوي الليل .
الحان : خالد عبدالرحمن
أحسـن بـك النيـة وتـفـتـح عـلي أبــواب= بـاب النـكــد يا عـجـل ما تـفـتـح أبوابــه
إن جيت أبيّن لك عـلى رغـبتـي بأسبـاب=أخـطيـت فـي تـقدير ظنـي مع أسبـابــه
خـلـيتنـي أخـشـاك ما كــننــا أحـبـــاب= متـعـوس قـلبٍ ما تـوفّـق مـع أحـبـابــه
واليا بغيت أطلب حسبت ألف وألف حساب= يرضيـك من حـبّـك معـك يسقط حسابــه
إن قـلـت لـك مـرتـاح واللــه أنا كــــذاب= وإن كان روحـي سـرّهــا البـعـد كــذابــه
الشــوق يـدنـي ربـع مـن طـوّلـوا غيــاب= والشــوق يـذبــح لي تبـاطـــوا غـيــابــه
7 - توني دريت
كلمات : مخاوي الليل .
الحان : خالد عبدالرحمن
توني دريت ..
إن حبك غلطتـي
توني دريت ..
بالصمت حارت كـلمتـي
وما حكيت ..
ما قويت انطق حروف
صابنـي عجز الكلام
ولا حكيت ..
ما قويت انطق حروف
صابنـي عجز الكلام
ولا شكيت ..
توني دريت إن حبك غلطتـي
يطيب لك تجريح قـلبـي الوافـي
لا تحملينـي هـم
منك كذا كافـي
ظميتك وانتـي الماطــر
بكيتك ماضي وحاضــر
لقيتك فـي حياتـي خوف
سطا بقلبـي وعلّ الروح
وبان بطرفـي الساهر
خدعنـي فيك قـصـر الشوف
لك بجوفـي المـحبــة من سنيـن
ومنك خوفـي
خوفـي إنك تـجرحيـن
هاذي النهاية بعد جرحي
وش تبين ..
8 - عيون الحب
كلمات : طلال الرشيد .
الحان : خالد عبدالرحمن .
الله يرحم طلال الرشيد
عـيـون الـحـب لا يمكن تناظــر=عيوب الخل لو هو عيب كـلـه
تمـاري فيـه وبوصـفــه تكـابــر= ترى من فوق خلق الله محلـه
رفـيــق الليـل بالشبـاك ناطــر= وأثاري الليـل شباك لــخـلّــه
حـفـظ أحلى الكلام وصار شاعر= بـصبـرٍ ينتـظر والصبـر ملّـه
حبيـبٍ عـشت فـي دنياه عابر= حسب قوله ويا شاريٍ قـل لـه
أنا ضحـيت له وارجـي وصــابر= وإذا عيّا أقــول اللــه يـحـلّــه
أنا اللي أنـتـظـر يا بعــد باكــر= يبي السلوان والذكرى تـظلـه
عـيــون الـحـب في قلبي تناظـر= تشوف اللي عيونـي ما تدلّه
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــ
(( على النوى ))
ويحتوي على ثمانية أعمال .
1 - على النــوى
كلمات : بدر بن عبدالمحسن .
الحان : خالد عبدالرحمن .
على النـوى علمي بهم هجعة الليـل= نجل العيون من البكاء كحلها سـال
واليـوم غيـر الياس وقـل المـراسيــل= يا من يـطمنـي عـسى ليلهم طـال
اللـه على اللي ما صفـت لي غرابيـل= لاشـك شـرع الـحــب هـمٍّ وغـربــال
قـفّـا ولي فـي حـجـر عـينــه تعاليـل= تقـول ياذا البعـد نـجـزيـك بوصـال
وتـعـلّقـت روح اللـيـالي المــقـابـيــل= يا عنك ما يامن من الوقت رجّــــال
لا ما علي لو دمـع عينـي هماليـل=الـمـوت دمـع القلب لا صار همّـال
2 - لعيونك
كلمات : مخاوي الليل .
الحان : خالد عبدالرحمن
حدّي نظـر ..
ما بغيت أكثر .. حدّي نظـر
الله أمـر ..
لعيونك أسهر .. الله أمـر
واجهت عينـي مــلاك
الـحـسن في حيــره
وانعقـد حرفـي وخـان
الوصـف تعبيـره
قسمتـي بك ياقمر
حدّي نظــر ..
ردّ لي عمـري
منّـك بنظـرة
دام أنا حي ..
غايتـي شـوفك
بس لو مرة
ما بقى شي ..
لي بالعمر ليلٍ أخاويه
وآنسى بك الذكـرى
3 - الله لنا
كلمات : الحيران .
الحان : خالد عبدالرحمن .
الله لنا ياللي نسى وصل الأحباب= تـنـسى وحنا للغــلا ما نـسيــنـا
بدّلت ذاك الحب في هجـر وغيـاب= من عـلّمـك تنسى وتقسى علينا
كنا سوى يوم الهـوى بيننا طـاب= والـحـب كـان بصدق موجود فينا
لا نسمع العـاذل ولا نعرف عـتـاب= وأحـلى الليالي كـلـها لالـتقيـنـا
واليوم صرنا نلتقي مثل الأغراب= من عـقب ما كانت تعانق ايدينا
للكـل منـا طبــع والطبـع غــلاب= نـسـيت ماضـيـنا وحـنا وفــيــنا
4 - غلطة زماني
كلمات : شمس .
الحان : خالد عبدالرحمن
هذا مكـانـي وانت هـذا مـكانـك= والحيـره اللي تـجمـع اثنين علّـه
غـلطة زماني وانت غلطة زمانـك= مثـلي تــحمّـل ما تـحملت شلّـه
صبرك حبيبي جاير الوقت هانـك= من لا تـزهّـل لك تـجـنّب وخـلّـه
مـن لا يـهمــه عـزّك وعـزّ شـانك= قل لـه عـلى وعد السلاطين قل له
وإن كان ظنك فيه كذاب وخـانـك= مـا ضـرّنا فـي أول الـعـمــر زلّـه
البعض أقـرب لك من أول بنانك= كـم مـن يميـنٍ خانها الكف كـلّـه
5 - عظيم الشوق
كلمات : الســــامر .
الحان : خالد عبدالرحمن .
تعـطـينـي الـود ولا تـاخـذه منـي= يـبلّغـك قـلبـي المـقـفــي تـحــياته
اليـوم يا صاحبـي ردّ الخبـر عـنـي= ما يرخـص الغـالي إلا كـثـر غلـطاتـه
جارت عليّ الليالي وأخلفت ظنـي= والـحـب ما عـوّض الرجّــال ما فــاتـه
أدعي شفوفٍ تجيب أرضاك ماجـنـي= شاحت عـلى الغالي اللي شفت زلاتـه
حمـامة الـحـب فـوق النايفـه غنـي= فـي وادٍ تـطـــرب الأسمــــاع جــرّاتـه
قـصايدي يوم مات الحـب ينـعنـي= في مقبل الـوقـت يالغـالي ســلامـاتـه
ياللي برمح الغلا تسطي وتـطعنـي= وأنا معــك خـافـقي محبوس غايــاتـه
6 - شيروا
كلمات : محمد الناصر .
الحان : سلامة العبدالله
شيرو على المحبـوب زين الشبـابي= خـلــوه للـي عـذّبـه يلتفـت له
وإن كـان عـيّـا لا يــرد الـجـــوابي= قـولوا عـلشان المـحـبة صفت له
كـان إنت ناوي يا حبيبـي ذهـابي= اللي يحبـك كيـف تنـوي بقتله
تـراي مـبـطـي صــابرٍ للـعــذابي= لكن عـذاب الحب ما ينسكت له
الصاحب اللي قلت أحبه سطابي= لاحدٍ يلوم عيوني اللي بكت له
يا ويـل قـلبي من طـويل الغيـابي= بيني وبين المدة اللي مضت له
7 - الحـــظ
كلمات : مخاوي الليل .
الحان : خالد عبدالرحمن
الوقت ما له يا ريش العيـن مـنّــه= الـحـظ جـابك واللــه اللي رفـعنـي
أشوف هالدنيا لي اليـــوم جـنّــه= كل الغـلا شفتـه بعـينـك وضعنـي
حسّـاد حبـك هاب ثم خــاب ظــنّـــه= حتى الشديد من القـوي ما منعني
هنّ الخفـوق بصادق الشـوق هـنّــه= اللي مـعـك ما مـرةٍ قـد قـطعنـي
وإن قـلت قلبي زاد بالعشـق فـنّـــه= أهـيــم صـدق هيـام قلبي دفعنـي
وإليا خـفـق قلبي مع الخـفـق ونّــه= إن سـاقـنـي وإلا تـرى مـا ردعـنـي
8 - عهدٍ علي
كلمات : عبدالله الرشود .
الحان : مشعل باخت .
ماني بـميـت لا نسـيتـي غــرامي= بـبـكـي عـليه أيام لـحـد ما أنســاه
عـهــدٍ عـلي إنـي لأتـمـم كـــلامي= وأرد قـلبـي عـن طـواريـه وألنهــاه
لـو الثـمـن عـمـري ولـذة مـنامي= ما أرجـع لـحـبٍ غيـر الوقت مبداه
حـبٍّ بـدا ثـم انتـهى فـي ظـلامي= مـا عــانقـه نـور النهــار وتـبشــاه
لـو إني تـحت غيمـة حنانه وظامي= كـسيـر ذابحـني العطـش ما أترجاه
لأزحـف ولو ما شال جسمي عظامي= عـن موقفه وأدفن عن الريق مجراه
ما عـاد لـه بـيـن النواظـر مـقـامي= خـفّ اشتـياقي داعي الوقت صحّاه
هـاذي الحقـيقـة لا نسيتـي غـرامي= مـاني بـميت بـبـكي أيـام وأنساه
(( قلبك كبير ))
ويحتوي على عشرة أعمال .
1 - لا تستر الليل
كلمات : بندر الرشود .
الحان : خالد عبدالرحمن .
لا تستـر الليل والقمرة عـلى السهـران= خـل السهـارى تـمـوت شوي وتـحيا بك
ليلٍ طـويل يـداعب طـرفـك النـعــسان= مـعــذور ذاك الحـريـر اللي تـلـوّى بـك
جـمـرك رمـاده عـسـل يا سيـد الخــلان= مـن عـشت في روضتـك وأنا أتغنى بك
عـطيتنـي الـورد يا المـحبوب والريحــان= وصـرت لـي سـيّــدٍ أقـرأ مـن كـتــابـك
علمتني الحب وكيف ألعب في هالميـدان= عـلمتني كيف أشـوف الصبـح لا جـابك
الأرض يا صاحـبـي والسقـف والجــدران= اسـتانـست لـك وكـل البيـت هـلاّ بـك
خـلّـك هنـيّـا ترى حـنا غـدينا أخـــوان= اللـي تبـي ياصـلك وأنـت عـلى بـابـك
مـضيّـفـك ليـن شافـك همّـل الضيـفان= واللــه مـا لـي حــيــاةٍ زيـنــــه إلا بـك
2 - بدرٍ طلع
كلمات : مناور الدوسري .
الحان : خالد عبدالرحمن .
بدرٍ طلع من مغيبه نــــوّر الديـــره=نـوّر ديــــارٍ تـضيعنـي غـداريـهــــا
أسير فيها وأضيع مشيـــة السيـــره=سود الليالي تضيـع رجـل ماشيهــا
شلت القلم باكتب من القلب تعبيره=باكتب عن النفس واللي خافي فيهــا
لو إن قلبي نبيه ويسمـــع الشيـــره=ما أقول ليله خلّ حاضرها وماضيهـا
لكن قلبي عصى وأصبحـت فـي حيره=فـي حيرة القلب والنفس ومناويهــا
يطـرد ورى اللي تنحّت به محـاذيـره=لـه مدةٍ صابر برجعتهــا يرجـيـهــا
منّه عذلتـه وعيّـا مـا يبــي غيــــره=يستبشـر برجعتـه ساعــة ويبغيهــا
يرجي كريـمٍ تعيش الخلق من خيـره=ربٍّ خلـق نفـس مخلوقـه ومعطيهــا
3 - ياروح روحي
كلمات : ناصر الناصر الشايع .
الحان : خالد عبدالرحمن
ألا يا روح روحي ترى الفرقه صعيبه= عقب فرقاك من لي .. ألا ياروح روحي
ما غير أسهر وأنوحي عليّ بعدك مصيبه= متى نورك يهلي .. ماغير اسهر ونوحي
يزيدنّ الجروحي عـقب طول المغيبه= يا أبو رمش مظلّي .. يزيدن الجروحي
من الوقت الشحوحي ودنياي الغريبه= وصالك ما حصل لي .. من الوقت الشحوحي
معه قلبـي نصوحي وغيره وشاري به=بها أرحب وأهلّي .. معه قلبي نصوحي
بسرّه ما يبوحي به أوصافٍ عجيبه=ولا عقبه تسلّي .. بسره ما يبوحي
لو إن الغالي يوحي دوا القلب وطيبه=على لي فـي محلي .. او ان الغالي يوحي
4 - تعــــالي
كلمات : رشيد الدهام .
الحان : خالد عبدالرحمن
تعالـي نسكـت أحسن مـن كلامٍ تاليتـه جــروح=هلا بالصمت دام الصمت ما يـجرح مشاعرنـا
أنا وانتي وطول الصمت والدمعـة وكثر البــوح=وليـلٍ مـا بـقــى بـه حيـل ينهانـا ويامــرنـا
بكى ما كنـه اللي كـــان يغرينـا فـرح ومـــزوح=سكـت مـا كنـه اللي كـان ملـهمنـا وشاعرنـا
توحّي تسمعيـن الليل ما أدري وش بلاه ينـوح=على ضـحكـاتنـا والا على كسـرة خـواطـرنـا
إذا يبكـي مـن الفرحـة علينـا عـلّمـيـه يــــروح=وإذا يبكـي حـزن تكفيـن قولـي له يسـامرنـا
ويـجـبـر خاطـرٍ قامت هواجيسـه تجي وتـــروح=يشوف الحـال ويكـفّ السـؤال اللـي محيّـرنـا
صحيح إنا صبـرنـا واعتبرنـا صبـرنا مـصـلـــوح=ولـكــن مـا بقــى شيٍ عقـب هــذا يصبّـرنـا
دخيـل العاتـق اللي له ورى ليل الجديلة ضــوح=وفـي جـاه الشفـاه اللـي بنسمتهـا تعـطّـرنـا
وفـي وجـه العيون اللي بقى للدمـع فيهـا روح=لأجــل خـاطـر ليـالينـا ومـاضينـا وحـاضرنـا
5 - وش تنتظــر
كلمات : محمد الناصر الشايع .
الحان : خالد عبدالرحمن .
وش تنتظر يا محرق القلب بالنــار=ما تستـلـم روحي وتقضي عليهــا
أنا رمتنـي فـي محبتـك الأقـــدار=والـروح سو اللي تبي اليوم فيهــا
ما عاد فيهـا فايـدة صـار ما صــار=اللـي تبيـه العيــن قلبـي يبيهــا
لـو أعـتذر ما بـه مجـالٍ للأعـــذار=ليـت السلامـة تنشـري واشتريهـا
وأنا أتعـذب طول هالوقت وأحتــار=مـع من خذتنـي لعبةٍ فـي يديهـا
تلعب على ما تشتهي بي وتختـار=وأنـا الـهـوا ما ودي إنـه يـجيـهــا
يجرح مشاعرهـا وأنا أخـاف وأغـــار=حتــى من الريـح الخفيّـة عـليهـ
6 - قلبك كبيــر
كلمات : مخاوي الليل .
الحان : خالد عبدالرحمن .
كان الخطا .. كله خطاي
أنا أعترف لك .. وأطلب رضاك
قلبك كبير .. كبير
وأنا خطاي كبير
حتى قرارك ضدي
أثّر علي كثير
نطلب رضاكم
ذا من غلاكم
قلبك كبير .. كبير
وأنا خطاي كبير
حتى قرارك ضدي
أثّر علي كثير
لولا هواكم
ما كنا معاكم
7 - الــــــود
كلمات : حسين القحطاني .
الحان : خالد عبدالرحمن .
الود ما يعطى جميع المخاليق=الود يعـطى في المـخـاليق واحـــد
الود يعطى حافظين المـواثيق=واللي يخـون الود ذا الوقت واجـد
يا كثر ناسٍ ودّها بالتـوافيـق=ويا كـثر ناسٍ عـشقـها عند جاحـد
اللي مودتهم مـودّة تلافـيق=تـسهر ومن له تسهر العين راقـد
الورد ما يهدى لكل المـخاليق=الـورد يـهدى في المـخاليق واحــد
8 - ياعطاشا
كلمات : محمد العثيم .
الحان : حمد الطيار .
يـا عـطاشا عـطاشا والمــوارد بعـيـــده=والثـريا حـداهــا ياسهـيــل يـم المـغــيـب
وإليا غابت من يرجي قلبي أنه تـعيـده= قـلبـي اللي تولـع ردى حــظ ونـصـيب
ويـل قلبـي تراهـا فـي هـواها تـبيــده=اتركـتنـي وقلبي في الهوى مستـصيـب
طـال مـشـوار حبـك والليالي عـنيــده=جـف غـصن المـحبـة عـقب ماهـو رطيب
يا عـطاشا عـطشكم في صخــورٍ جـليــده= مالـهـا ماطــرٍ هـامـي ولا بـه ســريب
جـف فيـها عـليّـا الحـب وقـطّــع وريــده=يا عـطاشا حــذاري من بـعـيـدٍ قـــريب
من رمى سهم حبك في عيـونٍ صـديده=يقـضـي باقي حـياته بالمـحـبـة غـــريب
من طـلـع عاليٍ يلقى رياضٍ مـديــده=ومن وطى في مطا منها فأمره مــريب
9 - آخر أخبارك
كلمات : عبدالرحمن الناصر (( مجازف )) .
الحان : خالد عبدالرحمن .
من حـقي أسأل عن أول وآخر أخبارك=ومن حـقك انك تـنشدنـي عـن أخبـاري
ما يتـعب اللي يودك طـول مشوارك=يفـداك قلبٍ ملكه الطيب لك ساري
لولا الغـلا وش يصبـرنـي عـلى نـارك=هجـرت قلبي وقلبـي للوصل ظاري
ما غـيـرك أحـدٍ بهالدنـيا سكـن دارك=دارك عزيزة على نفسي مثل داري
مـحــال قـلبٍ يـحب ويسكـن اقـطارك=يرحـل وأنا شايـفٍ للعـيـن مقداري
مقبول ما وصلني قبل اسمع أعـذارك=يا غاية اللي بـعشقـك دايم يـمـاري
ما ودي إنك حبيبـي تشتت أفـكـارك=الـحـال وحده وأنا بالروح لك شـاري
ماهـو تـطفّـل ولكـن كـبـر مـقــدارك=خلاّني أسـألك يا أول وآخـر أخـبـاري
10 - على بابكم
كلمات : مخاوي الليل .
الحان : خالد عبدالرحمن .
إلــى وردنّ الـهــمــوم الثّـقــيـلات=أصدّر عـلى حماك وأنصاك جالي
وإلــى جـردنّ الأقــراد الـصـقـــيـلات=أنـا بـأول الـقــوم ولاني بـتــالي
أنا لك إلـى صـار للـوقـــت مـيـــلات =بأرخـص لك الروح وما كـان غالي
وأعـدّي عـلى رؤوس كـل الـطــويـلات=وبشـهــد لـك الله يا كـل مـالــي
عـلى بابـكــم لو قدحــنا الـفـتـيـلات= دسـنا عـلى المـر ويـصيـر حــالي
من الـهـم إلى المـوت عـندي قـليـلات= ومـن بينهـم كـل مطعـون ذالي
على ما إنكتب لي ولك ماش حيـلات= مـع الصبـر كـل الشـدايـد زوالي
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــ
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ــــ
(( أعــــــــاني ))
ويحتوي على ستة أعمال .
1 - أعـــاني
كلمات : غيـــوض .
الحان : حسين العلي .
حاولت أجيبـك للضحى وانت عـييت= حاولت أغـطي الليل لأجلك عصاني
أفـرد ضلــوعي وأنده الحـي والمـيـت= وإلى ندهتـك رجـع صوتـي دعـاني
ما غيـر أنا اللي شلت جرحي ونّيت= وما غيـر قلبـي لا طـلبـتـه عـطاني
لو إن بوحـي كـثـر صمتـي تمـنّـيت= لو إن عينـي شافـت الـدرب جـاني
شمـسي هـجيـر ومهجتـي كلها بيت= أهـجّـها وأطـوي عـليـها احـتـماني
لأجـلك إلا جـض الهـوى بي تـغـنـيت= لوني من جـروح المـقـاديـر أعـــاني
2 - يسود الصمت
كلمات : الشمس .
الحان : خالد عبدالرحمن .
يسود الصمت
وتبقى ثورة الأنفاس
ألا يا صدر لا تزفر .. وهونها
يسلم راس ..
من أنور الدنيا ونورها
أخاف الروح لا تـظـهر
مع أول أنفـاسي
لا يا بعد ناسي
خلنـي أعـيش شوي
لا تـاقف أنفاسي
قلبـي معـك باقي
ينبـض لك أشواقي
زدني وأزيدك قرب
وأكشف لك أوراقي
3 - أول أطيافي
كلمات : اثيل .
الحان : خالد عبدالرحمن .
من أول خفقـة بصدري وأنا فيك أرسم الأحلام= مـن أول طـاري الأشـواق وانت أول أطــيافي
نذرت العمـر لعيـونك عـسى تقبل بك الأيـام=عسى باكر يـجيبك لي وتوقـد ليلي الـطـافي
يا أول حب يمـلكـنـي من الهـامـه إلى الأقـدام=زد بهجرك زد بصدك حشى ما أقول لك كافي
أنا كلي صبـر وعـناد مثل ما بالعـمـر أعــوام= كثر ما قلت لطيوفك متى يلفينـي الـجـافي
ولو بـحـر الهـوى غــدّار أنا يا صاحبـي عــوّام=ما دام عيونك المرسى سنين العمر مجـدافي
4 - أصدق معاذيري
كلمات : همس .
الحان : خالد عبدالرحمن .
أن كان حبي لك هو أعظم خطاياي= ما أقول يا نفسي عن الحب توبي
أجمل خطاياي وآخر حـدود دنياي= وأصدق معاذيري وأطهـر ذنـوبي
نزعـات روحي لك تـباري نـواياي= والقلب يمّـك والمـشاعر سعـوا بي
حبٍ لك اللـه ماكـنٍ فـي حـناياي= أبيـه لو ضعـفـي بأكبـر عـيـوبي
كـل الهـوى والـحـب باقي بـقاياي= خـذت أوّلـه وأتـلاه وأقــول دوبي
ومن له مثل حبي يسوّي سواياي= ياصـل مواصيلي ويسـلك دروبي
5 - لبــيه
كلمات : بنت العطا .
الحان : خالد عبدالرحمن .
الروح في شوفك عـليك اليـوم ولـهـانـه=والقلب يفرح فيك إلى من شافتك عـيني
القـلـب لعيـون الغـلا وعـيــون خـلاّنـه=بأنسى الزعـل كلـه ولو بعـدك معنّيني
انت الوله والشوق وانت الحـب سلـطانه=يا بسمـة أيامي هـلا يا ضحـكــة سنيني
من قال يا عمـري عليك النفس زعـلانه=إجـرح وعـذبنـي مادام الجـرح يرضيني
لبيـــه يا قـلـبٍ ملـكـته وانت وجــدانه=لبيــــه يا منهو عـن همـومي ينسيني
يا عمـري الـباقي ويا حـلمـه وعـنـوانـه=بيـديك تـجرحـني ومن لمسـتك تشفيني
6 - للغايب عذر
كلمات : غيوض .
الحان : خالد عبدالرحمن
كنت أنتظر
ليما الفجر
والوقت يسرقنـي ويمـر
يا موعدي
وقّف صبر
أبانتظر
باصبر على نار وجمـر
وبعذره يمكن للغايب عذر
أنا والحيرة وشوقي في زحام
ويا كثر ما جاء على بالي كـلام
أفكاري تودينـي وتـجيب
أهوجس بعيـد وقريـب
يا هل ترى بينّا خصام
وإلا ما عاد لي حب ومقـام
ما أظلمه لا لا حرام
وش اللي صار
========
البوم (( يا هاجري ))
ويحتوي على سبع أعمال .
1 - يا هاجري
كلمات : الشيخ / محمد بن راشد ال مكتوم .
الحان : أنو عبدالله .
ليش العتاب وانت الذي دومك معي في خاطري = يا صاحب الليل الذي أذا تحدر تمنعه
في مهجتي من كلمتك أوهام حلم شاعري = مقدر على وصله ولا أقدر باني أمنعه
غني معي قولي ألي عندك صناعة ساحري = وانته على ما تشتهي قول قولٍ توده تسمعه
قلبي ترى ما يحكمه منظر غزال نافري = لوكان وصله صا حبي من دون ذنب يقطعه
يا هاجري أحلا الصور عندي بقت يا هاجري = يتبعك قلب صاحبه من حبكم ما هو معه
منهو يساعدني على حظ ردي عاثري = ما هقوتي الله يغير لي الي فؤادي ضيعه
فيك السحر منك الغلا كله بدا في ناظري = عيت عيوني كلما زوله تبدا تشبعه
أرعى البروق أشوفها ما ضي وطلعة حاظري = براق من صوبك بدا وانا ونوقي نتبعه
2 - أبيك يا عمري
كلمات : مخاوي الليل .
الحان : خالد عبدالرحمن .
عـطنـي وعدك اليوم وخل المقابيـل = أبيـك يا عـمـري تـشرّفني شـويه
أسهر معاك الليـل يا نـجمة الليـل = وجـيّـتـك تـمطــر سمـايا عـليّــه
تشوف منّي الرضا وتشـوف تدليـل = وإذا أقبـلت الـروح خـذها هـديـة
ما عـاد أشوف الدرب كـلّه تـساهيل = دفـاي فـي بردي وفـي القيظ فيّه
أحب فيـك الحب وإن قيـل ما قيـل = ســحـابـةٍ مـرّت عـليــنا سـويّــه
فـداك أهل الجيـل الأول وهالـجـيـل = تـحيـةٍ عـظمى عـن ألـفٍ تـحـيــة
3 -ليله
كلمات : مخاوي الليل .
الحان : خالد عبدالرحمن .
ليلة ..
غريبة كانت الليلة ..
سهرتك ليل تعليلة ..
حلمي حلم طفل سعيد ..
حلم بعيد ..
كانت ليلتي بخيلة ..
خذني جسد مع روح ..
أذوب فغرامك حيل ..
ليلة ثمنها روح ..
خذ قلبي المفتحوح ..
عشتك حبيبي ليل ..
عشتك حياتي ليل ..
يا سري المفضوح ..
يا أطهر من الماء ..
وأنقى من الغيمة ..
لحبك أضمى ..
يا صبح لا تقبل ..
عط الليل من وقتك ..
وأمهل سهارى الليل ..
عمرنا ليلة ..
وحبنا ليلة ..
وكلها ليلة ..
4 - اخترتك لدربي
كلمات : ناصر القحطاني .
الحان : خالد عبدالرحمن .
وين انت يا أغلى العرب ناوي = تو القمــر ما سـرى تــــــوّه
ما شـفت يا المـتـرف الــراوي = وشلون دنـــياي مـحـلـــوة
ليـلـي بـدونك وش يـســاوي = جـيـت وحبيبــك صـفا جـوّه
وإن خفـت من حـاســدٍ غـاوي = يـحرسـك مـولاي من ســوءه
كـانك عـلى حـســرتي قــاوي = ما للـزمـن طـيــب ومـــروّه
اختـرتـك لـدربـي مـخــــاوي = وماني مـوصـيـك بالأخـــوّه
تـجــرح يا ممـلــوح وتـــداوي = فـديتــك اللي تبـي ســــوّه
وإن صـرت بعـديـن ما تــاوي = خـلّـك حبيبـي عـلى القــوّه
5 - الجمر والبرد
كلمات : مخاوي الليل .
الحان : خالد عبدالرحمن
أيجود الزمن بلقياك = وألقاك تناصفني وجدي
وعيوني بشوقٍ ترعاك = في أحلام اليقظة من سهد
فهيام العقل هيام = وهيام القلب سقم
فغيابك زاد من زهدي
فأحمر من وردٍ بشفاك = برحيقٍ يقطر من وردي
ورياض الحسن محيّاك = به اجتمع الجمر مع البرد
ويحلو لي منك كلام = وأقبل من عدلك ظلماً
في رضاً قد بلغك من رشدي
وبعيد أنت وأهواك = وعشقي قد خلّد للخلد
وأسير الحب لعيناك = وأسعد بجوارك للأبد
وقعت بي منك سهام = فأغثني برحيقك يوماً
فأملٌ بلا وعدٍ لا يجدي
6 - صبر أيوب
كلمات : مخاوي الليل .
الحان : خالد عبدالرحمن .
تحمّـلت أكـون غـلـطان ..
وأنا اللي معاي الـحـق ..
تحـمّـلت أكــون اللــي ظلم
نفسـه وهو ساكت ..
تـجمّـل خفـوقـي حيل ..
تسـلّـح صبــر أيـــوب ..
عـلى كـل ما قـد جـاك ..
جميـل الصبر عـذروب ..
أنا العمر وانت الوقـت ..
عـلى هالأمـر مغلــوب ..
يـفنى العمـر وإلا انت ..
عـــذابٍ عـلي مقسـوم ..
7 - لا تخليني
كلمات : بندر الرشود .
الحان : خالد عبدالرحمن
حبيبـي يا عـسى ربـي يـجيــبك = تشوف الحـال بعد اللي جرى لـي
حــياتـي كـلـها وأنا انتـخـي بـك = دخـيـلـك لا تـخـلـينـي لـحــالـي
أحـبك كـثر ظـلمك كـثر طـيبـك = كـثر ما مرّ طـيفــك فـي خيالـي
أبي قربـك أبي يـوم اهتنـي بك = وأبيك تـصيـر كل لـحـظـة قبالـي
أنا لا قـلت أحـبـك أعـتـنــي بـك = ولا يـمكــن أخـون اللـي وفـا لـي
حبيبي ويش أسوي كيـف أجيبك = وكيــف أبـدّل الـهـجـر بوصـالـي
حبيبـي ليـه ما تذكــر حـبيبـك = وليــه الـحــب تمـحــاه الليـالـي
ــــــــــــــــــــــــــــــــــــــــــــــــــ
ــــــــــــــــــــــــــــــــــــ
البوم (( ابصم لك ))
ويحتوي على ستة أعمال .
1 - أبصم لك
كلمات : مجازف .
الحان : خالد عبدالرحمن .
غيرك ما طـرى يا شوق = لو لاح بسماي بروق
ما للحـب بعــدك ذوق = أبصملك على العشرة
زان الـدهــر وإلا شــان = فـيـك المغـرم الولهان
دايم حيـل لك شفقـان = أبصملك على العشرة
حـبـك مـصدر إلهامـي = لأجـلــه دايــمٍ سـامي
بلـسم جـرحي وآلامـي = أبصملك على العشرة
لـو العـشـق أضــنـانـي = ووصـلـك فـيك عـزّاني
حـبـك سـر وجــدانـي = أبصملك على العشرة
2 - انزعه صمتي
كلمات : مخاوي الليل .
الحان : خالد عبدالرحمن .
انزعـه صمتـي وعـلمنـي الكـــلام = خـلّـنـي أقـتـل مفـاهيـم الخجـل
واكتشف من عـندي أسرار الغــرام = شوفـة عيـونك طمـوحي والأمـل
أظـهرتـها عـيـوني همـي والهيـام = مـتعب الحـال قلبـي وما حـمـل
بقـطـعـه وقـتـي وبوصـلك ســـلام = يا حيــاة الوصـل أو حـل للأجــل
ليت أنا أبكي منك ليلي طول عـام = واذكـرك شخـصٍ بعينـي ما كمل
بـس مشكـلتـي قــدرك يا وســــام = مـنـك ما شفــت خـــطايا أو زلل
3 - أسهرتني
كلمات : خالد البذال .
الحان : سليمان الملا .
أسهرتنـي يا غـلا والنـاس هـجّـاعِ = النـوم عـنـي جـلا يا زيــن الأطـبــاعِ
الهمّ منـك اعتلى والصد بك شاعِ = ما قلت لي وش بلا العهد بك ضاعِ
من بدّ كـل المـلا عـيني لك تراعي = يا كـامـلٍ بالـحـلى ما للـجـفا داعــي
ارجع ترى لك وله من بين الأضلاعِ = إن جـيت لي يا هــلا مانـي بـطمـاعِ
4 - توادعنا
كلمات : ابراهيم الجنوبي .
الحان : خالد البراك .
توادعــنا أنا وياه ..
لكن ما توادعــنا ..
رفـض قلبـي ورفض قلبه ..
سوى هلّة مدامعنا ..
رجــع يبكي وبكاني ..
أنا ما تـحمــل دمـوعـــه ..
ونادتنا ليالينا ..
مسك يـدّي وتراجـعـنا ..
أنا فـضّـلت أعيـش بصمت ..
سواءً كنت أو ما كنت ..
ولكن الأكـيــد آمن ..
ومـحـبتـنا لـهـا مـعـنـى ..
حنيـن قـلوبـنا فـينا ..
غـصـب عـنا يـناديـنا ..
يـبينـي يا ملأ واللـه ..
عـسى اللـه لا يفرّقـنا ..
5 - ذبحنا الشوق
كلمات : خالد البذال .
الحان : سليمان الملا .
ذبحنا الشوق بغيابك = وكل طاري لنا جابك
متى تسأل عن أحبابك = علينا بس من قسّاك
نبيك وما نبي غيرك = وعالي دوم تقديرك
رضينا بشرك وخيرك = حبيبي وينها دنياك
تصدق من حكوا فينا = وتبعد عن ليالينا
غريبة صرت ناسينا = وغيرك ما قدر ينساك
6 - تروي
كلمات : مخاوي الليل .
الحن : خالد عبدالرحمن .
تـروّي يا حـسـن منـظــور .. تـروّي يا مــلاك الزيــن = تـروّي كـود عـينـي .. تـلتمس منك حـنيّه
شوصفك لو بغيت اذكـر .. مـحاسنك انعدم بك شين = وأخاف انّك تصر في وصفي .. لو قلت حوريّه
نـقـضتـي حـال المـقــدول .. عـلى عــارض المـتـنيـن = وشفـشف هـوى روحـي .. عـلى فركـة إيديّه
كـتبت القــصيـدة نـاوي .. أعـنّيـك أنا بـسـطـــريـن = سجـى الفكـر بالمـعنـى .. ولـك تـمّت النيّه
أنـا ويــن جـــابـتـنـي المــقــاديــر .. وانـتـي ويـــن = تـولّـعـتـي الـلـــه لا تـزيــد الـولـــع فـيّـه
وداعــك عـمــر حـي .. خـذيـتيـه بـطـرف العيـن = معــك حي .. وإلا غبتـي يمـوت بعرب حيّه
ــــــــــــــــــــــــــــــــــــــــــــــــــ
ـــــــــــــــــــــــــــــــــــــــــــــــ
البوم (( مثل العسل ))
والذي يحتوي على عملين .
1 - مثل العسل
كلمات : علي بن سالم الكعبي .
الحان : علي كانو .
مثل العسل وسط الضماير غلاكم = وأنتوا عسل كل الليالي والأيام
جر القلم بالشوق خطه جدام = حبره محبه وصورتك فكر وألهام
نوفي ولكن ما نوصل وفاكم = الكم وفى ومنك الوفايا خذ أحكام
مزن بروقه لاضيات بهواكم = نجم فريد بلمعته وسط الأجرام
نقشت أنا ودي بصفحة سماكم = وبدم قلبي صارت تخط الأقلام
فكري سرى بلهفه غيومه تباكم = تمطر عليكم أطيب حروف وأنغام
لا عاش شعر في حروفه جفاكم = ولاعاش عمر ما قضى بحبك أعوام
مثل العسل وسط الضماير غلاكم = وأنتوا عسل كل الليالي والأيام
2 - أنتي شروق
كلمات : علي بن سالم الكعبي .
الحان : علي كانوا .
انتي شروق اول ضحى طلعة الشمس = والشمس بنت مرحلين الاماسي
عفي وانا رحبت من خاطر انحمس = موجة فرح طافت حدود القياسي
بين امس متعب كلما مر بالامس = واليوم ناسي حالة الامس ناسي
قلبي بغيابك بالنزى دوله الحمس = جيتي وقند ريحة الهيل راسي
وبين الثرى والغيم عن خطوتك رمس = اعرف وجودك يوم تندي الرواسي
القى الندى بالنخل لو تهمسي همس = بالروض دارك يرسله قلبي ماسي
شريان قلبي في بحرك انغمس غمس = سباح لكن ضيعته المراسي
يانور ماحد في الهوى يلمسك لمس = روحي لمسته واشتعل بي حماسي
لبوم (( وجه المرايا ))
ويحتوي على ثمانية أعمال .
1 - لا تعتذر
كلمات : حميد النيادي .
الحان : موسى محمد .
تصبح وتمسي وترقد دون تسمعني = عوَدت قلبك على هجري ونسياني
انته تعمَدت بغيابك تقاطعنــــي = وانته تسببت في همَي وأحزانــــي
صبرت بس الصبر ما كان ينفعني = ومليت من الانتظار وبعدك اشقاني
يا ماتمنيت شوفك وانت تمنعنـــي = وانته تجاهلت احاسيسي ووجداني
لا تعتذر فالعذر ماعاد يقنعنـــي = من عقب ما ذقت من صد وحرماني
أنا اتحداك اذا تقدر ترجعنــــي = أو انت تقدر على بعدني وهجرانـي
ماعاك لك أي دافع شوق يدفعني = من عقب ما انته تبيع بأرخص اثماني
بالحيل عانيت من بعدك ولوعنـي = جرَب عذاب الفراق ويمكن تعانــي
لا لا تحاول وابعد روح طاوعني = ولا تفكر انك تعود لدنيتي ثانـي
ماعاد حبك ولا شوفك يــولعنــي = أنا نسيتك وأطلب منك تنسـاني
2 - وجه المرايا
كلمات : مطلع الشمس .
الحان : موسى محمد .
غاب القمر وانكسر وجه المرايا فيك = والحزن نثر على وجهي شظاياها
والليل أصبح عذاب وحسره وتشكيك = يرســم همومه واحاول اتحاشاها
حتى المدينة حزينه عينها تـبــكـيـك = ويبكيك قلبي وعيني نثرت مـــاهـا
يا غايب عن عيوني خاطــري يطريك = في كل لحظه عيـونك كيـف بنساها
لو غيب ماغاب طيفك عني وطاريك = كنك معي في خفايا الروح واقصاها
الله يصونك ويهنا بشوفتك وغاليــك = وتقر عينه بشوفك يا هنيَـاهـــا
يامن سلب مهجتي هذا العنا يرضيك = غـبتك عـنَا صـعيبه وما قويناها
ودَي أجبر كسر وجه المرايا فيــك = واحضن همومي وابروزها بمراياها
3 -السؤال
كلمات : عبدالله الهاشمي .
الحان : موسى محمد .
ما سألت بيوم نفسك هالسؤال = يا حبيبي ما خطر مره عليك
ليه أنا أشتاق لك يا إبن الحلال = ليه أحبك ليه ميت بس فيك
آه لو تعرف معاناة الليال = والعنا والشوق في قلبٍ يبيك
ما تركته يحلم بلحظة وصال = كنت جيته قبل ما يفكر يجيك
منهو مثلي دللك هذا الدلال = وأعتبرك لقلبه وروحه شريك
ماترك للحزن في عمرك مجال = والفرح حطه على راحة يديك
بس يكفي من تعاليلك وتعال = ملت الساعات من شوقي إليك
والا إسأل خافقك نفس السؤال = ليه أحبك و أعشقك و أموت فيك
4 - الصوره المكسوره
كلمات : علي الخوار .
الحان : موسى محمد .
بجانب كحلك و مشطك وبعض اشياء منثوره = وعطر غامض مثلك يخبي في الزجاج اسرار
أنا عشت الهوى قربك مجرد صوره مكسوره = على تسريحتك عاشت جبيسة كذبة وغبـــار
أشوفك تنظرين لها بضحكه عين مسروره = وافكر نظرتك شوق ومعاها جمليتين اعذار
واثاري نظريتك نظرتك مرت عليها بس مجبوره = قصدتي خلفها وجه تشتت في مرايا الدار
نسيتي واصبحت صوره مع الأيام مهجوره = نسيتي وابتدت ترحل من البرواز والأسوار
5 - الغلا
كلمات : حمد سهيل .
الحان : موسى محمد .
الله يـهـنــك بي والله يــهنـينـي = والله يديــم الـغــلا مابيني وبينك
ساعة أشوفك يزين الكون في عيني = وأشوف كل المحبه تنطق بعينك
ما أظن شي حبيبي عنك يغنينـي = كل يوم يكبر بعيني حسنك وزينك
مزيون وصفك وسيد في المزايينــي = وأحب طبعك وطيبة قلبك ولينـك
إن غبت عنك دقايق تشتكي بـيني = وإن غبت عني يصيح الشوق بي وينك
ما أقوى فراقك دخيلك لا تخليني = مادام قلبي أمانه بس في يدينــــك
إنته بـحبـك تـراك مـحــلي سنيـنـي = يابعد عمري عسى الله يحلي سنينك
6 - دنيا جديده
كلمات : عبدالله الهاشمي .
الحان : موسى محمد .
يا بخت كـــل المرايا لو تناظر فيك = تسـعد بـشوفك وتـتـبسـم زوايـاها
واذا في بعدك تكسر وجهها يبكيك = ساعة تشوفك تجمع لك شظاهايا
ليل المدينة توسَل ليلتك يرجيـــــك = تشرق بشمسك على دنيا تمناهــا
دنيا جديده ببسمه ثغرها تطريــــك = بالخيروانته ضيا وجهك محياها
ان غبت عنها تمنَت بالغرام تجيك = من كثر ما هي تعبها الشوق واضناها
وان جيت فزت تردد من الفرح طاريك = وتقول يالله عساك مديم بحماهــــا
يا بعد عمر الغرام ويا بعد غاليك = حـرام عـيـنك يذوب حزنها مــاهــا
7 - طمني عليك
كلمات : حمد سهيل .
الحان : موسى محمد .
ليش إنت مبعد عن عيوني ومجفنـّي = يا نور عين بشوفك كنت أحليها
حتى إتصالك وصوتك منقطع عني = وأعد الأيام لي بتعود في فيـــها
إن كنت زعلان يا كل الغلا منـــي = مجبور أراضيك وعيونك أراضيها
و إن كان قصدك بهالفرقى تعذبنــي = يا كيف تتعب حياتي وإنت غاليـها
أرجوك طمَن شقا نفسي وطمنـــــي = أشغلت روح غيابك عنها يشقيـها
تعبت أحاتيك وأسأل عنك لكنــي = ما ألقى جواب لجل نفسي أهــديـها
8 - لون باهت
كلمات : مطلع الشمس .
الحان : موسى محمد .
الشمس غابت والمدينة إظلمّـت = والورد لونه صار ما هو لونه
باهت يحير كل عين همـّــــــــت = فيه وعبيره بنته مسجونـــــــه
و أنا حزين والهموم التمّــــت = الحزن جند لي كبار شجونـــــه
إن جيت بفرح فرحتي ما تمـّــت = وإن جيت بنسى ذكرتني طعونه
هذا زماني صار بي يــتــشـمـّـت = يلعب و أنا راضي بكل جنونـــه
صفحات حبـّي في الغرام إقدمّـت = فوق الرفوف وبالعنا مشحونه
فيها المحبّه والوفا قد ضمـّت = للغالي اللي أعشقه وآصـونــه
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
ـــــــــ
ــــــــــــــــــــــــــــــــــــــــــــــــــ
ــــــــــــــــــــــــــــــــــــــــــــــــــ
- دمعه
كلمات : مخاوي الليل .
الحان : خالد عبدالرحمن
دمعه اللي بقت دمعه = ماهي دمعه حزن ولكن
دمعة فرح
تنتظر ميعادها = تفرح بمن عادها
وجيتيني وزارة وجيتني دمعه = منها تمنيت لمحه
ياللي معاك العمر له قيمه = واكبر دليل هذي مراسيمه
شيدت لك بالقلب تمثال الغرام = ومنك وليك القلب يا أصل الغرام
محتاج لك يا مني وفيني = أنور حياتي يا نظر عيني
تدري وجودك لي = يعني لي الوجود
ومن غيرك انتي وش لي = بدنيا الوجود
2 -خواطر العشاق
كلمات : مناور الدوسري .
الحان : خالد عبدالرحمن .
ياليتني داري وأعرف الغيب = باحساس نفسك وإيش طاريها
كلمة أحبك قلتها بالطيب = لا قلتها بالطيب وإيش فيها
ترى الخجل يا صاحبي تعذيب = يحرم قلوب الحب غاليها
يثر على سير الغلا ويصيب = خواطر العشاق ينسيها
مافي الي من قلتها لي عيب = العيب والله لا تغبيها
حياة مخلـوق بـلا ترتيـب = مـا تستـوي فيهـا معانيهـا
3 - على بابه
كلمات : مخاوي الليل .
الحان : خالد عبدالرحمن .
على بابه فتحت القلب = ووقفتي علي بابه
وقلدته حرف اسمك = على بابه على بابه على بابه
على بابه عبارة حب = مكتوبه على بابه
بأصدق شاعرية حب = تقرا به على بابه على بابه
على بابه آجر الصوت = بأجمل ما تغنى به
وكل الورد يفرش لك = على بابه على بابه
على بابه هلا والله = من شرف على بابه
وعود لي عقب طول غــيـــابـــه
4 -الهواوي
كلمات : مخاوي الليل .
الحان : فلكلور .
ما يهز الهواوي أي ريح = من بغى المعتلا ذب ورقاه
لو تبي ما يجيك اللي الصحيح = أنت من ولع القلب وخذاه
والوصل يسحق القلب الجريح = والهجر آه منه ألفين آه
سيدي وأنت الأول يا مليح = سيدي نال قلبي مبتغاه
سيدي ما يزيد بـك المديـح = أنت فوق المديـح ومستـواه
5 - من عذابك
كلمات : مخاوي الليل .
الحان : خالد عبدالرحمن
من عذابك إنخلق فيني عذابي = ما بقالي واستوى غير العذاب
دون بابك حظي المقتفي غدا بي = يا عذابي لو يطول بك الغياب
وإن لجا بك ياحبيبي ما لجا بي = العذاب ارحم ولا ترك الصواب
من شبابك عطني أجزانك شرا بي = وخذ من ايامي فرح عمر الشباب
إهتنا بك من عرف جرحي وصوابي = وان سألت اسأل من الله الجواب
رد بابـك واستـره بابـك وبابـي = الحياة أطعم لهـا رجـوا الثـواب
6 - جروح الوقت
كلمات : مخاوي الليل .
الحان : خالد عبدالرحمن .
من جروح الوقت يكفينا جروح = عظم الله جرح قلبي والسلام
قلت لك باروح لكن وين أروح = والطريق اللي بيبعدنـي حطـام
من سرى بالليل أبرك له سروح = للنهار عيـون وبالليـل الغمـام
جيت وكل حب مفعم بالوضوح = والفعل أصدق من شروح الكلام
هنتي في حبك اللي بـه أبـوح = تهنئة بالعشق واحساس الغـرام
للجروح أرواح يا روح الجروح = مال جرحك غير تعظيم السـلام
7 - حنيت
كلمات :مخاوي الليل .
الحان : خالد عبدالرحمن .
حنيت حنيت لاهل الدار والديرة = لو غبت ما بطيت بعض الشوق عناني
الدرب لو طال ما أقبل معاذيره = شوق للاحباب تالي الليل سراني
ترى المحبة شعور صعب تفسيره = يكفيني مولع بالزين يا اخواني
الحب ياهل الهوا هذي مقاديره = مغلوب راعي الهوا في كل ميداني
عودت القلب في سحبـه وتخديـره = رديت رديـت يـم أهلـي وخلانـي
8 - كنتي جميله
كلمات : مخاوي الليل .
الحان :خالد عبدالرحمن .
كنتي جميلة وصرتي اليوم أجمل = كنتي صغيرة وصرتي اليوم أكمل
تغيرتي تكبرتي حتى بطبعك ونظراتك = كل شي فيك لاحظته تغير
لا يكون الوقت غير فيك ذاتك = ثم نضج حسنك وبدلتي عباتك
الصغير صغير حتى لو كبر = يكبر غلاة ويكبر دلاله
كنتي ولازلتي صغيرة .. وصرتي اليوم أكمل
ما تغير بي علي خبرك شعوري = وشوفتك أحبه باعماقي سروري
بالـعـمـر يكـفـيـك أهـديـلـك عمره = معه هـواه واجمـل خصالـه
9 - ما عرفتك
كلمات : مخاوي الليل .
الحان : خالد عبدالرحمن .
أنا اللي ما عرفتك لو عرفتك = ولا حتى أعرفك لو تبين
وانا اللي ما سهرتك وانتظرتك = ولا حتى أعرفك لو تجين
أعرفك انك بداية مع نهاية = وضايع وقت ليلك تحلمين
وترى الأسوأ نهاية مع بداية = خذي من المسك ريح الياسمين
خدعك إحساس ظنك ما انتهيتي = ولا لك شي يثبت لك وجود
مثل ما انتي رفضتي أو رضيتي = وجودك شي هامـش بالوجـود
10 - على نيتي
كلمات : بندر الرشود .
الحان : خالد عبدالرحمن .
يا كثر كذبك علي ويا كثر صبري = طولت بالي ولكن ثارت أعصابي
ما عاد ينفع أخلي الضيق في صدري = واجاملك وانت ما تسوى على حسابي
أثر الخيانة في دمك تكبر وتجري = وانا علي نيتي ما أشك في أحبابي
خصوصا إنت الوحيد اللي مثل عمري = إن غبت عني أضمك بين الأهدابي
صحيح أحبك احسب أنك على خبري = تموت لو مرت أيام على غيابي
يومك تجيني ولا تسري الين أسري = طرفك إذا شافني أقبلت هلاً بي
راحت سنين من عمري وانا ماأدري = إثرك تسلى على حبي وتلها بي
والله محد سبقك اليوم في غدري = لكني أستاهل اللي صار باسبابي
وشلون أقدرك وإنت مرخص قدري = وشلون أميزك في عيني وفي كتابي
اللي كتب قصتك يمحاك من فكري = والله ما تفـرح بقلبـي وتهنـا بـي
- جمعت الشوق
كلمات : الأمير / محمد بن عبدالعزيز آل سعود .
الحان : خالد عبدالرحمن .
جمعت الشوق .. وأهديته عيونك = وكل الحب .. فى دربك نثرته
وعطرت المشاعر من جنونك = وزفيت العمر لك .. لو خسرته
زماني .. ماتخيلته بدونك = وليلي بدون همسك .. ماسهرته
أحبك مثل ماحظك يخونك = ومثل ماجابك الحظ .. وشكرته
ملكت القلب لاتكثر ظنونك = ولوقلبي يبي غيرك نهرته
يمر البال ناس يشبهونك = كثر مامر غيرك ماذكرته
رياح الشوق تستأذن سكونك = بها من الوجد فوق اللي انتظرته
يكفيك العمر فدوه اعيونك = وكل الحب في دربك نثرتــه
12 - حالي الذوق
كلمات : مطلع الشمس .
الحان : خالد عبدالرحمن .
عطني غلا واعطيك عمري وحالي = حبٍ مخلّد ما حلم فيه مخلـوق
يا شاغل احساسي وعمري وخيالي = يا من لقلبي بلسم الجرح والعوق
مِنْك الوفا يكفي وهذا منالي = في دنيتي يـا حالـي الطبـع والـذوق
أرقب وِفَاكْ وحايره في سؤالي = واحس اني دون شوفتـك مخنـوق
بعدك يعذبني .. يزيد انشغالـي = الله يعيـن ويفـرج الهـم بشفـوق
في وحدتي أجلس أعد الليالي = واسهر معاها لين طلعـات لشـروق
صوتك يصبِّرني ويرثي لحالي = أسْتَر به ويخفـف الهـم والشـوق
وان شفت طيفك أبتهج باحتفالي = واسرح لحد الصبح ينساب وأفوق
عجّل بوصلك وِافْتِهم ما جرالي = وان مِتْ انا أفداك يا حالي الـذوق
ليست هناك تعليقات:
إرسال تعليق